ಶ್ರೀನಿಧಿಯ ಪ್ರಪಂಚ

ಉದಯವಾಣಿ ಅಂಕಣದಲ್ಲಿ ಇತಿಹಾಸದ ಪುಟಗಳ ನೆನಪು

2012-01-24T11:17:00.000+05:30

ಜನವರಿ ೨೪, ೨೦೧೨ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ

ಚಂದನ ವಾಹಿನಿಯಲ್ಲಿ '... ಬಿಸ್ಕತ್ತು ...ಟ್ಯಾಬ್ಲೆಟ್ಟು'

2012-01-23T23:30:00.001+05:30

ಜನವರಿ ೨೩, ೨೦೧೨ರಂದು ಚಂದನ ವಾಹಿನಿಯಲ್ಲಿ ಪ್ರಸಾರವಾದ 'ಥಟ್ ಅಂತ ಹೇಳಿ?!' ಕಾರ್ಯಕ್ರಮದಲ್ಲಿ ಡಾ| ನಾ. ಸೋಮೇಶ್ವರ ಅವರು ನನ್ನ 'ತಿನ್ನಲಾಗದ ಬಿಸ್ಕತ್ತು ನುಂಗಲಾಗದ ಟ್ಯಾಬ್ಲೆಟ್ಟು' ಕೃತಿಯ ಪರಿಚಯ ಮಾಡಿಕೊಟ್ಟರು. ಅವರ ಮಾತುಗಳ ರಿಕಾರ್ಡಿಂಗ್ ಇಲ್ಲಿದೆ. ಡಾ. ನಾ. ಸೋಮೇಶ್ವರ ಅವರಿಗೆ, ಹಾಗೂ ದೂರದರ್ಶನದ ಚಂದನ ವಾಹಿನಿಗೆ ನನ್ನ ಹೃತ್ಪೂರ್ವಕ ಕೃತಜ್ಞತೆಗಳು.

ಉದಯವಾಣಿ ಅಂಕಣದಲ್ಲಿ ಕ್ಯಾಮೆರಾ ಕತೆಗಳು

2012-01-17T11:07:00.000+05:30

ಜನವರಿ ೧೭, ೨೦೧೨ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ

ಪ್ರಜಾವಾಣಿಯಲ್ಲಿ '...ಬಿಸ್ಕತ್ತು ...ಟ್ಯಾಬ್ಲೆಟ್ಟು'

2012-01-15T09:22:00.000+05:30

ಜನವರಿ ೧೫, ೨೦೧೨ರ ಪ್ರಜಾವಾಣಿಯಲ್ಲಿ ಪ್ರಕಟವಾಗಿರುವ ಬರೆಹ

ಉದಯವಾಣಿ ಅಂಕಣದಲ್ಲಿ ವೈರಸ್ ವಿರೋಧಿ ತಂತ್ರಾಂಶಗಳ ಕುರಿತು...

2012-01-10T09:09:00.000+05:30

ಜನವರಿ ೧೦, ೨೦೧೨ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ

ಉದಯವಾಣಿ ಅಂಕಣದಲ್ಲಿ ಪ್ರೋಗ್ರಾಮಿಂಗ್ ಪ್ರಪಂಚ

2012-01-03T09:09:00.001+05:30

ಜನವರಿ ೩, ೨೦೧೨ರ ಉದಯವಾಣಿಯಲ್ಲಿ ಪ್ರಕಟವಾಗಿರುವ ಲೇಖನ. ಶೀರ್ಷಿಕೆ ಪತ್ರಿಕೆಯವರ ಸೃಷ್ಟಿ; ಅದು ಲೇಖನಕ್ಕೆ ಅಷ್ಟಾಗಿ ಹೊಂದುವುದಿಲ್ಲ ಎನ್ನುವುದು ನನ್ನ ಭಾವನೆ.

ಹೊಸವರ್ಷದ ಶುಭಾಶಯಗಳು

2011-12-31T14:14:00.002+05:30

ಈ ವಾರದ ಉದಯವಾಣಿ ಅಂಕಣ...

2011-12-27T13:15:00.000+05:30

ಡಿಸೆಂಬರ್ ೨೭, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ

ಉದಯವಾಣಿ ಅಂಕಣದ ೬೦ನೇ ಕಂತು

2011-12-20T10:22:00.000+05:30

ಡಿಸೆಂಬರ್ ೨೦, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ವಿಜ್ಞಾಪನೆ ಅಂಕಣದ ಅರವತ್ತನೇ ಕಂತು.

ಕ್ರಿಸ್‌ಮಸ್ ವೀಕೆಂಡಿಗೊಂದು ವಿಜ್ಞಾನದ ಕಾರ್ಯಕ್ರಮ...

2011-12-19T10:25:00.000+05:30

ಉದಯವಾಣಿ ಅಂಕಣದಲ್ಲಿ ತಂತ್ರಜ್ಞಾನ ಮತ್ತು ಕನ್ನಡ

2011-12-13T10:14:00.000+05:30

'ಆಧುನಿಕ ಜಗತ್ತಿನ ಬೇಡಿಕೆಗಳು ಮತ್ತು ಕನ್ನಡ ತಂತ್ರಜ್ಞಾನ' ಕುರಿತು ಗಂಗಾವತಿ ಸಾಹಿತ್ಯ ಸಮ್ಮೇಳನದಲ್ಲಿ ಮಂಡಿಸಲಾದ ಪ್ರಬಂಧದ ಸಂಗ್ರಹರೂಪ. ಡಿಸೆಂಬರ್ ೧೩, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾಗಿದೆ.

ಉದಯವಾಣಿ ಅಂಕಣದಲ್ಲಿ ನ್ಯಾನೋಕಿಡ್ಸ್

2011-12-06T08:49:00.000+05:30

ಡಿಸೆಂಬರ್ ೬, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ

ಆಮಂತ್ರಣ ಬಂದಿದೆ...

2011-12-01T12:37:00.003+05:30

ಪೂರ್ಣಗಾತ್ರದಲ್ಲಿ ನೋಡಲು ಚಿತ್ರದ ಮೇಲೆ ಕ್ಲಿಕ್ ಮಾಡಿ...

ಉದಯವಾಣಿ ಅಂಕಣದಲ್ಲಿ ಗೂಗಲ್ ಪ್ಲಸ್

2011-11-29T09:50:00.000+05:30

ನವೆಂಬರ್ ೨೯, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ

ಉದಯವಾಣಿ ಅಂಕಣದಲ್ಲಿ ಥಾಯ್‌ಲ್ಯಾಂಡ್‌ ಮಳೆ...

2011-11-22T14:19:00.000+05:30

ನವೆಂಬರ್ ೨೨, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ

ಮಾತಾಡುವ ಚಿತ್ರಗಳು - ೨೦: ಚೆಲುವ ಕನ್ನಡನಾಡು

2011-11-18T14:23:00.000+05:30

ಉದಯವಾಣಿ ಅಂಕಣ: "ಮನೆಯೇ ಆಫೀಸು!"

2011-11-15T10:18:00.000+05:30

ನವೆಂಬರ್ ೧೫, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ಪೂರ್ಣ ಲೇಖನ ಓದಲು ಚಿತ್ರದ ಮೇಲೆ ಕ್ಲಿಕ್ ಮಾಡಿ, ಅಥವಾ ಇಜ್ಞಾನ ಡಾಟ್ ಕಾಮ್‌ಗೆ ಭೇಟಿನೀಡಿ!

'ತಿನ್ನಲಾಗದ ಬಿಸ್ಕತ್ತು...' ಪುಸ್ತಕ ಲೋಕಾರ್ಪಣೆಯಲ್ಲಿ ಪ್ರೊ. ಜೀವಿಯವರ ಭಾಷಣ

2011-11-09T11:20:00.002+05:30

ಅದೇ ಸಂದರ್ಭದಲ್ಲಿ ವಿಜಯ ಕರ್ನಾಟಕ ಅಂಕಣಕಾರರಾದ ಶ್ರೀ ಶ್ರೀವತ್ಸ ಜೋಶಿಯವರು ಅಮೆರಿಕಾದಿಂದ ಮಾತನಾಡಿದ್ದು ಹೀಗೆ...

* * *

ಉದಯವಾಣಿ ವರದಿ

ವಿಜಯ ಕರ್ನಾಟಕ ವರದಿ

ಕನ್ನಡಪ್ರಭ ವರದಿ

ಹೊಸದಿಗಂತ ವರದಿ

ಉದಯವಾಣಿ ಅಂಕಣದಲ್ಲಿ ಲೈಟ್ರೋ ಎಫೆಕ್ಟ್!

2011-11-08T09:44:00.000+05:30

ನವೆಂಬರ್ ೮, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ಲೇಖನದ ಸಬ್‌ಹೆಡ್ಡಿಂಗು, ಪತ್ರಿಕೆಯವರ ಕೃಪೆಯಿಂದ, ಮತ್ತೆ ಮಿಸ್‌ಲೀಡಿಂಗ್ ಆಗಿದೆ.

ಈ ಸಂಜೆ 'ತಿನ್ನಲಾಗದ ಬಿಸ್ಕತ್ತು...' ಲೋಕಾರ್ಪಣೆ

2011-11-06T10:52:00.001+05:30

ಈ ಭಾನುವಾರ ನನ್ನ ಹೊಸ ಪುಸ್ತಕದ ಲೋಕಾರ್ಪಣೆ...

2011-11-01T10:09:00.000+05:30

ವಿಜಯ ಕರ್ನಾಟಕ ಲವಲವಿಕೆ. ನವೆಂಬರ್ ೧, ೨೦೧೧

ಉದಯವಾಣಿ ಅಂಕಣ: "ನಿಮ್ಮಿಬ್ಬರಿಗೆ ನಮ್ಮೆಲ್ಲರ ಧನ್ಯವಾದಗಳು"

2011-11-01T10:06:00.000+05:30

ನವೆಂಬರ್ ೧, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ

ಹೊಸ ಪುಸ್ತಕದಲ್ಲೇನಿದೆ?

2011-10-26T09:50:00.000+05:30

ಉದಯವಾಣಿ ಅಂಕಣ: "ಗೂಗಲ್ ಬಜ್‌ಗೆ ಬೈ ಬೈ!"

2011-10-25T10:15:00.000+05:30

ಅಕ್ಟೋಬರ್ ೨೫, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ.

ತಿನ್ನಲಾಗದ ಬಿಸ್ಕತ್ತು, ನುಂಗಲಾಗದ ಟ್ಯಾಬ್ಲೆಟ್ಟು

2011-10-19T11:47:00.003+05:30

ನನ್ನ ಹೊಸ ಪುಸ್ತಕ 'ತಿನ್ನಲಾಗದ ಬಿಸ್ಕತ್ತು, ನುಂಗಲಾಗದ ಟ್ಯಾಬ್ಲೆಟ್ಟು' ಬರುವ ನವೆಂಬರ್ ೬ರ ಸಂಜೆ ಬೆಂಗಳೂರಿನಲ್ಲಿ ಬಿಡುಗಡೆಯಾಗಲಿದೆ. ಚಾಮರಾಜಪೇಟೆಯ ಕನ್ನಡ ಸಾಹಿತ್ಯ ಪರಿಷತ್ತಿನಲ್ಲಿ ನಡೆಯಲಿರುವ ಈ ಕಾರ್ಯಕ್ರಮಕ್ಕೆ ನಿಮಗೆ ಆದರದ ಸ್ವಾಗತ. ಹಿರಿಯ ಭಾಷಾತಜ್ಞರಾದ ಪ್ರೊ. ಜಿ. ವೆಂಕಟಸುಬ್ಬಯ್ಯ ಹಾಗೂ ಖ್ಯಾತ ಚಲನಚಿತ್ರ ನಿರ್ದೇಶಕ ಶ್ರೀ ಗುರುಪ್ರಸಾದ್ ಅಂದು ನಮ್ಮೊಡನೆ ಇರಲಿದ್ದಾರೆ.

ಪುಸ್ತಕದ ಮುಂಗಡ ಬುಕಿಂಗ್ www.akrutibooks.com ತಾಣದಲ್ಲಿ ಪ್ರಾರಂಭವಾಗಿದೆ. ಬುಕಿಂಗ್ ದೃಢೀಕರಣ ಇಮೇಲ್‌ನ ಮುದ್ರಿತ ಪ್ರತಿ ತಂದು ಕಾರ್ಯಕ್ರಮದ ದಿನ ನಿಮ್ಮ ಪ್ರತಿಯನ್ನು ಪಡೆದುಕೊಳ್ಳಬಹುದು. ಕಾರ್ಯಕ್ರಮಕ್ಕೆ ಬರಲು ಸಾಧ್ಯವಾಗದವರ ಪ್ರತಿಗಳನ್ನು ಅಂಚೆ/ಕೊರಿಯರ್ ಮೂಲಕ ಕಳುಹಿಸಿಕೊಡಲಾಗುವುದು. ಅಂಚೆ ವೆಚ್ಚ ನಮ್ಮದೇ!

ಸರಳ ಶೈಲಿಯ ಬರೆವಣಿಗೆ ಜೊತೆಗೆ ಜಿ. ಎಸ್. ನಾಗನಾಥ್ ಅವರ ಕಾರ್ಟೂನುಗಳು ಈ ಪುಸ್ತಕವನ್ನು ಇನ್ನಷ್ಟು ಆಕರ್ಷಕಗೊಳಿಸಿವೆ.

ಕೆಲ ಅಭಿಪ್ರಾಯಗಳು ಇಲ್ಲಿವೆ ನೋಡಿ!

"ಮನೆಮನೆಗಳನ್ನು ವ್ಯಾಪಿಸಿರುವ ಮಾಹಿತಿ ತಂತ್ರಜ್ಞಾನ ಕ್ಷೇತ್ರದ ಆಗುಹೋಗುಗಳ ಬಗ್ಗೆ ಕನ್ನಡದಲ್ಲಿ ಮಾಹಿತಿಯನ್ನು ಜನರಿಗೆ ತಲುಪಿಸುತ್ತಿರುವ ಬೆರಳೆಣಿಕೆಯಷ್ಟು ಮಂದಿಯಲ್ಲಿ ಟಿ. ಜಿ. ಶ್ರೀನಿಧಿ ಒಂದು ಪ್ರಮುಖ ಹೆಸರು."
- ಡಾ| ಯು. ಬಿ. ಪವನಜ

"ಶ್ರೀನಿಧಿಯದು ಎತ್ತರದ ಸ್ಥಾನದಿಂದ ತನ್ನ ತಿಳುವಳಿಕೆಯ ಹಮ್ಮುಬಿಮ್ಮನ್ನು ಬಿತ್ತರಿಸುವ ಧಾಟಿಯಲ್ಲ. ಈತ ನಮ್ಮವನೇ, ನಮಗೆ ಅರ್ಥವಾಗುವ ರೀತಿಯಲ್ಲೇ ಮಾತನಾಡುವವನು ಅಂತನಿಸುವ ಶೈಲಿ."
- ಶ್ರೀವತ್ಸ ಜೋಶಿ

"ನಮ್ಮನ್ನು ಆವರಿಸಿಕೊಂಡಿರುವ ಅಂತರಜಾಲದ ಇಂದ್ರಜಾಲವನ್ನು ಅರಿಯುವ ಬಗೆ, ಬಳಸುವ ದಾರಿ ಇಲ್ಲಿದೆ. ತಿಳಿಗನ್ನಡದಲ್ಲೇ ಅಂತರಜಾಲದ ಗುಟ್ಟು ಅರಿಯಲು ಮಕ್ಕಳು, ಹಿರಿಯರಿಗೆ ಇದೊಂದು ಮರೆಯಲಾಗದ ಪುಸ್ತಕ!"
- ಬೇಳೂರು ಸುದರ್ಶನ

"ಇದು ತಲೆ ಚಿಟ್ಟು ಹಿಡಿಸುವ ಪಾರಿಭಾಷಿಕಗಳ ಭಾರದಿಂದ ನಲುಗಿಲ್ಲ. ಅರ್ಥವಾಗದ ಅನುವಾದಗಳ ಮೂಲಕ ಹುಸಿ ಗಾಂಭೀರ್ಯ ನಟಿಸುತ್ತಿಲ್ಲ. ಇದನ್ನು ಓದುವುದಕ್ಕೆ ಯಾವ ಪೂರ್ವ ಪರಿಚಯಗಳ ಅಗತ್ಯವೂ ಇಲ್ಲ."
- ಎನ್. ಎ. ಎಂ. ಇಸ್ಮಾಯಿಲ್

"ಇದು ಇರಬೇಕಾದ್ದು ಕಪಾಟಿನಲ್ಲಲ್ಲ; ಕೀಲಿಮಣೆಯ ಪಕ್ಕದಲ್ಲಿ. 'ತಿನ್ನಲಾಗದ ಬಿಸ್ಕತ್ತು, ನುಂಗಲಾಗದ ಟ್ಯಾಬ್ಲೆಟ್ಟು' ನಿಮ್ಮ ಆಪ್ತಮಿತ್ರ."
- ಟಿ. ಆರ್. ಅನಂತರಾಮು

ಈ ವಾರದ ಅಂಕಣ...

2011-10-18T11:43:00.000+05:30

ಅಕ್ಟೋಬರ್ ೧೮, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ಲೇಖನದ ಶೀರ್ಷಿಕೆ ನನ್ನದಲ್ಲ.

ಯಾವುದಿದು ಹೊಸ ಪುಸ್ತಕ???

2011-10-18T10:04:00.001+05:30

ಹೊಸ ಪುಸ್ತಕ ಬರುತ್ತಿದೆ!

2011-10-17T10:27:00.002+05:30

ಗ್ಯಾಡ್ಜೆಟ್ ಲೋಕ

2011-10-13T22:37:00.000+05:30

ಇನ್ನೊಂದು ದೀಪಾವಳಿ ಬರುತ್ತಿದೆ. ದೀಪಾವಳಿ ಬಂದಮೇಲೆ ದೀಪಾವಳಿ ವಿಶೇಷಾಂಕ ಬರದಿದ್ದರೆ ಆದೀತೆ, ಅದೂ ಬಂದಿದೆ.

ಈ ಬಾರಿಯ ಪ್ರಜಾವಾಣಿ ದೀಪಾವಳಿ ವಿಶೇಷಾಂಕದ ಜೊತೆಗೆ ಉಡುಗೊರೆಯಾಗಿ 'ಗ್ಯಾಡ್ಜೆಟ್ ಲೋಕ' ಎಂಬ ಪುಸ್ತಕ ಇದೆ. ಅದರ ಲೇಖಕರು ಡಾ| ಯು. ಬಿ. ಪವನಜ. ಈ ಪುಸ್ತಕ ಸಿದ್ಧಪಡಿಸುವಲ್ಲಿ ಅವರಿಗೆ ನೆರವಾದ ಖುಷಿ ನನ್ನದು.

ನನ್ನ ಅಂಕಣದ ಐವತ್ತನೇ ಬರೆಹ: "ಸಿರಿ ಬಂದ ಸಮಯ"

2011-10-11T09:12:00.001+05:30

ಟಿ. ಜಿ. ಶ್ರೀನಿಧಿ

ಅಕ್ಟೋಬರ್ ೧೧, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾಗಿರುವ ಲೇಖನ, 'ವಿಜ್ಞಾಪನೆ' ಅಂಕಣದ ಐವತ್ತನೇ ಬರೆಹ. ಲೇಖನದ ಮುದ್ರಿತ ರೂಪಕ್ಕೆ ನೀಡಲಾಗಿರುವ ಶೀರ್ಷಿಕೆಗೆ ನನ್ನ ಸಹಮತವಿಲ್ಲ; ಹಾಗಾಗಿ ಅದರ ಚಿತ್ರವನ್ನು ಇಲ್ಲಿ ಪ್ರಕಟಿಸಿಲ್ಲ.

ಕಳೆದ ವಾರದಲ್ಲಿ ಆಪಲ್ ಸಂಸ್ಥೆ ಸತತವಾಗಿ ಸುದ್ದಿಯಲ್ಲಿತ್ತು. ವಾರದ ಶುರುವಿನಲ್ಲಿ ಇದಕ್ಕೆ ಕಾರಣವಾದದ್ದು ಐಫೋನ್ ೫ರ ನಿರೀಕ್ಷೆ. ಕಳೆದ ಮಂಗಳವಾರದ "ಲೆಟ್ಸ್ ಟಾಕ್ ಐಫೋನ್" ಕಾರ್ಯಕ್ರಮದಲ್ಲಿ ಐಫೋನ್‌ನ ಈ ಹೊಸ ಅವತಾರದ ಪರಿಚಯವಾಗಬಹುದು ಎಂದು ಎಲ್ಲರೂ ಅಂದುಕೊಂಡಿದ್ದರು.

ಐಫೋನ್ ೫ ಹೇಗಿರಬಹುದು, ಅದರಲ್ಲಿ ಆಪಲ್ ಏನೇನು ಹೊಸ ವೈಶಿಷ್ಟ್ಯಗಳನ್ನು ಸೇರಿಸಿರಬಹುದು ಎಂಬ ಪ್ರಶ್ನೆಗಳು ಎಲ್ಲ ದಿಕ್ಕುಗಳಿಂದಲೂ ಕೇಳಿಬಂದು ಸಾಕಷ್ಟು ಆಸಕ್ತಿ ಸೃಷ್ಟಿಯಾಗಿತ್ತು. ಸ್ಟೀವ್ ಜಾಬ್ಸ್ ನಿವೃತ್ತಿಯ ನಂತರ ಆಪಲ್‌ನ ನೇತೃತ್ವ ವಹಿಸಿಕೊಂಡಿರುವ ಟಿಮ್ ಕುಕ್ ಈ ಕಾರ್ಯಕ್ರಮವನ್ನು ಹೇಗೆ ನಡೆಸಿಕೊಡಬಹುದು ಎನ್ನುವ ಕುತೂಹಲವೂ ಇತ್ತು. ಕಾರ್ಯಕ್ರಮಕ್ಕೆ ಸ್ಟೀವ್ ಜಾಬ್ಸ್ ಬಂದರೂ ಬರಬಹುದು ಎಂಬ ವದಂತಿ ಬಿಬಿಸಿಯಲ್ಲೂ ಕಾಣಿಸಿಕೊಂಡಿತ್ತು!

ಆದರೆ ಕಾರ್ಯಕ್ರಮ ಶುರುವಾಗಿ ಸ್ವಲ್ಪಹೊತ್ತಿನಲ್ಲೇ ಕುತೂಹಲವೆಲ್ಲ ತಣ್ಣಗಾಗಿಹೋಯಿತು. ಏಕೆಂದರೆ ಅಲ್ಲಿ ಐಫೋನ್ ೫ರ ಸುದ್ದಿಯೇ ಇರಲಿಲ್ಲ!
ಸದ್ಯ ಮಾರುಕಟ್ಟೆಯಲ್ಲಿರುವ ಐಫೋನ್ ೪ರಲ್ಲೇ ಕೊಂಚ ಬದಲಾವಣೆಗಳನ್ನು ಮಾಡಿದ ಆಪಲ್ ಸಂಸ್ಥೆ ಅದನ್ನು ಐಫೋನ್ ೪ಎಸ್ ಎಂಬ ಹೆಸರಿನಲ್ಲಿ ಪರಿಚಯಿಸಿತು.

ಈ ಹೊಸ ಐಫೋನ್ ನೋಡಲು ಐಫೋನ್ ೪ರಂತೆಯೇ ಇದ್ದರೂ ಅದರೊಳಗೆ ಬೇಕಾದಷ್ಟು ಹೊಸತನ ಇದೆ ಎಂದು ಆಪಲ್ ಸಂಸ್ಥೆ ಹೇಳಿಕೊಂಡಿದೆ; ಉತ್ತಮ ಕ್ಯಾಮೆರಾ, ಹೆಚ್ಚು ಸಾಮರ್ಥ್ಯದ ಬ್ಯಾಟರಿ, ಹೊಸ ಐಓಎಸ್ ೫ ಕಾರ್ಯಾಚರಣ ವ್ಯವಸ್ಥೆ. ಐಫೋನ್ ೪ನಲ್ಲಿದ್ದುದಕ್ಕಿಂತ ಉತ್ತಮವಾದ ಆಂಟೆನಾ - ಹೊಸತುಗಳ ಪಟ್ಟಿಯಲ್ಲಿ ಇಂತಹ ಹಲವು ಅಂಶಗಳಿವೆ.

ಆದರೆ ಸಂಪೂರ್ಣ ಹೊಸರೂಪದ ನಿರೀಕ್ಷೆ ಹುಟ್ಟುಹಾಕಿದ್ದ ಐಫೋನ್ ೫ ಬರಲಿಲ್ಲ ಎಂಬ ಅಂಶ ಆಪಲ್ ಅಭಿಮಾನಿಗಳಲ್ಲಿ ಸಾಕಷ್ಟು ಅಸಮಾಧಾನಕ್ಕೆ ಕಾರಣವಾಯಿತು. ತಂತ್ರಜ್ಞಾನ ಬ್ಲಾಗುಗಳು, ಜಾಲತಾಣಗಳು ಆಪಲ್ ಸಂಸ್ಥೆಯನ್ನು ಹಿಗ್ಗಾಮುಗ್ಗಾ ಟೀಕಿಸಿದವು. ಹಿಂದೆ ಸ್ಟೀವ್ ಜಾಬ್ಸ್ ಮಾಡುತ್ತಿದ್ದಂತೆ ಹೊಸ ಮುಖ್ಯಸ್ಥ ಟಿಮ್ ಕುಕ್ ಕಾರ್ಯಕ್ರಮದಲ್ಲಿ ಮುಖ್ಯ ಪಾತ್ರ ವಹಿಸಿರಲಿಲ್ಲ ಎನ್ನುವ ಅಂಶ ಕೂಡ ಸಾಕಷ್ಟು ಟೀಕೆಗೆ ಗುರಿಯಾಯಿತು. ಆಪಲ್ ಸಂಸ್ಥೆಯ ಶೇರು ಬೆಲೆ ತಾತ್ಕಾಲಿಕವಾಗಿ ಕುಸಿತ ಕಂಡದ್ದೂ ಆಯಿತು.

* * *

ಇದೆಲ್ಲ ಆದ ಇಪ್ಪತ್ತನಾಲ್ಕು ಗಂಟೆಗಳಲ್ಲಿ ಸ್ಟೀವ್ ಜಾಬ್ಸ್ ನಿಧನದ ಸುದ್ದಿ ಬಂತು. ತಂತ್ರಜ್ಞಾನ ಕ್ಷೇತ್ರದ ದಿಗ್ಗಜನೊಬ್ಬನ ಮರಣ ವಾರ್ತೆ ಕೇಳಿ ವಿಶ್ವದೆಲ್ಲೆಡೆಯ ಅಭಿಮಾನಿಗಳು ತಮ್ಮ ವಿಷಾದ ಸೂಚಿಸಿದರು. ಫೋರ್ಬ್ಸ್ ಪತ್ರಿಕೆಯಲ್ಲಿ ಪ್ರಕಟವಾದ ಸೌದಿ ಅರೇಬಿಯಾದ ಕೋಟ್ಯಾಧಿಪತಿ ರಾಜಕುಮಾರನ ಹೇಳಿಕೆ "ಮೂರು ಆಪಲ್‌ಗಳು ಪ್ರಪಂಚವನ್ನು ಬದಲಿಸಿದವು: ಆಡಂನದು, ನ್ಯೂಟನ್ನಿನದು, ಮತ್ತು ಸ್ಟೀವ್ ಜಾಬ್ಸ್‌ನದು!" ಪ್ರಪಂಚದೆಲ್ಲೆಡೆಯ ಅಭಿಮಾನಿಗಳ ಒಕ್ಕೊರಲಿನ ಅಭಿಪ್ರಾಯದಂತೆಯೇ ಕೇಳಿಬಂತು.

ಸ್ಟೀವ್ ಜಾಬ್ಸ್ ಆರೋಗ್ಯ ಕ್ಷೀಣಿಸುತ್ತಿದ್ದ ಸುದ್ದಿ ಆಪಲ್ ಸಂಸ್ಥೆಯ ಉನ್ನತಾಧಿಕಾರಿಗಳಿಗೆ ಮೊದಲೇ ಗೊತ್ತಿದ್ದಿರಬೇಕು, ಹೀಗಾಗಿಯೇ ಮಂಗಳವಾರದ ಕಾರ್ಯಕ್ರಮ ಕೊಂಚ ಸಪ್ಪೆಯಾಗಿತ್ತು ಎಂಬ ಸಂಶಯ ಬಂದ ತಕ್ಷಣ ಕೆಲ ಬ್ಲಾಗಿಗರು, ಪತ್ರಕರ್ತರು ತಮ್ಮ ಟೀಕೆಗಳಿಗಾಗಿ ಕ್ಷಮೆಕೋರಿದ ಘಟನೆಯೂ ನಡೆಯಿತು.

ಇದೆಲ್ಲವುದರ ನಡುವೆ ಐಫೋನ್ ೪ಎಸ್ ಅನ್ನು ಎಲ್ಲರೂ ಮರೆತೇಬಿಟ್ಟರು ಎನ್ನುವಷ್ಟರಲ್ಲಿ ಅದರಲ್ಲಿರುವ ಒಂದು ವೈಶಿಷ್ಟ್ಯದ ವಿವರಗಳು ಅಲ್ಲಲ್ಲಿ ಕಾಣಿಸಿಕೊಳ್ಳಲು ಪ್ರಾರಂಭವಾಗಿದೆ.

* * *

ಐಫೋನ್ ೪ಎಸ್‌ನಲ್ಲಿರುವ 'ಸಿರಿ' ಎಂಬ ತಂತ್ರಾಂಶವೇ ಈ ವೈಶಿಷ್ಟ್ಯ.

ದೂರವಾಣಿ ಬಳಸಿ ಮಾತನಾಡುವುದು ಹೊಸ ವಿಷಯವೇನಲ್ಲ; ಆದರೆ ಈ ತಂತ್ರಾಂಶದ ಸಹಾಯದಿಂದ ದೂರವಾಣಿಯ ಜೊತೆಗೆ ಮಾತನಾಡುವುದು ಸಾಧ್ಯ!

ಬೆಳಗಿನ ಜಾಗಿಂಗ್ ಮಾಡುತ್ತಿದ್ದೀರಿ ಅಂತಲೋ, ಚಪಾತಿ ಹಿಟ್ಟು ಕಲಸುತ್ತಿದ್ದೀರಿ ಅಂತಲೋ ಕಲ್ಪಿಸಿಕೊಳ್ಳಿ, ಆಗಲೇ ನಿಮ್ಮ ಮಿತ್ರರಿಗೆ ಏನೋ ಎಸ್ಸೆಮ್ಮೆಸ್ ಕಳುಹಿಸಬೇಕು ಎಂದು ನೆನಪು ಬರುತ್ತದೆ. ಮಾಡುತ್ತಿರುವ ಕೆಲಸ ಬಿಟ್ಟು ಎಸ್ಸೆಮ್ಮೆಸ್ ಟೈಪಿಸಲು ಶುರುಮಾಡುವ ಬದಲು ಸಿರಿ ತಂತ್ರಾಂಶ ಬಳಸಿ ಸಂದೇಶ ಕಳುಹಿಸುವ ಜವಾಬ್ದಾರಿಯನ್ನು ನಿಮ್ಮ ದೂರವಾಣಿಗೇ ಅಂಟಿಸಿಬಿಡಬಹುದು. "ಇಂಥವರಿಗೆ ಇಂಥ ಎಸ್ಸೆಮ್ಮೆಸ್ ಕಳಿಸು" ಎಂದು ಹೇಳಿದರೆ ಸಾಕು, ಆ ಆದೇಶವನ್ನು ಅರ್ಥಮಾಡಿಕೊಳ್ಳುವ ತಂತ್ರಾಂಶ ನೀವು ಹೇಳಿದ ಕೆಲಸ ಮಾಡಿ ಮುಗಿಸುತ್ತದಂತೆ!

ಈ ತಂತ್ರಾಂಶ ಬಳಸಿ ಹವಾಮಾನ ಮುನ್ಸೂಚನೆ, ಆಸುಪಾಸಿನಲ್ಲಿರುವ ಅಂಗಡಿ-ಹೋಟಲ್ಲುಗಳ ಬಗೆಗಿನ ಮಾಹಿತಿ ಮುಂತಾದ ವಿವರಗಳನ್ನೆಲ್ಲ ನಿಮ್ಮ ದೂರವಾಣಿಯಿಂದ ಪಡೆದುಕೊಳ್ಳಬಹುದು; ವಿಶ್ವವ್ಯಾಪಿ ಜಾಲದಲ್ಲಿ ನಿಮಗೆ ಬೇಕಾದ ಮಾಹಿತಿಯನ್ನು ಹುಡುಕಿಕೊಡುವಂತೆ ಹೇಳಬಹುದು. ಸಂಜೆ ಆಫೀಸು ಮುಗಿಸಿಕೊಂಡು ಹೊರಡುವಾಗ ಮನೆಗೆ ಮೈಸೂರು ಪಾಕು ಕೊಂಡೊಯ್ಯಲು ನೆನಪಿಸು ಎಂದು ಹೇಳುವುದೂ ಸಾಧ್ಯ!

* * *

ಮೂಲತಃ ಬೇರೊಬ್ಬರು ಅಭಿವೃದ್ಧಿಪಡಿಸಿದ ಸಿರಿ ತಂತ್ರಾಂಶವನ್ನು ೨೦೧೦ರಲ್ಲಿ ಆಪಲ್ ಸಂಸ್ಥೆ ಕೊಂಡುಕೊಂಡಿತು. ಆದರೆ ಅದು ಆಪಲ್ ಉತ್ಪನ್ನಗಳ ಅಂಗವಾಗಿ ಕಾಣಿಸಿಕೊಳ್ಳುತ್ತಿರುವುದು ಇದೇ ಮೊದಲ ಬಾರಿಗೆ.

ತಕ್ಕಮಟ್ಟಿಗೆ ಕುತೂಹಲ ಕೆರಳಿಸಿರುವ 'ಸಿರಿ'ಯ ಉಪಯುಕ್ತತೆ ಹಾಗೂ ಕಾರ್ಯಕ್ಷಮತೆಯ ಬಗ್ಗೆ ಕೆಲವೊಂದು ಸಂಶಯಗಳೂ ವ್ಯಕ್ತವಾಗಿವೆ. ಸಾರ್ವಜನಿಕ ಸ್ಥಳಗಳಲ್ಲಿ ಇಂತಹುದೊಂದು ತಂತ್ರಾಂಶದ ಬಳಕೆ ಸರಿಯೇ ಎನ್ನುವ ಪ್ರಶ್ನೆಯೂ ಕೇಳಿಬಂದಿದೆ.

ಈಗಾಗಲೇ ಮಾರುಕಟ್ಟೆಯಲ್ಲಿರುವ ಹಲವಾರು ಸ್ಪೀಚ್ ರೆಕಗ್ನಿಷನ್ ತಂತ್ರಾಂಶಗಳಿಗಿಂತ 'ಸಿರಿ' ಹೇಗೆ ಭಿನ್ನವಾಗಿರಲಿದೆ, ಅವೆಲ್ಲವುದರಲ್ಲೂ ಇರುವ ತೊಂದರೆಗಳನ್ನು ನಿವಾರಿಸುವಲ್ಲಿ ಎಷ್ಟರಮಟ್ಟಿಗೆ ಯಶಸ್ವಿಯಾಗಲಿದೆ ಎಂದು ಕಾದುನೋಡಬೇಕಿದೆ.

ಮಾತಾಡುವ ಚಿತ್ರಗಳು - ೧೯

2011-10-10T14:18:00.000+05:30

ಕನ್ನಡ ವ್ಯಾಕರಣ ಪ್ರವೇಶ - ಏಳನೇ ಆವೃತ್ತಿ ಇದೀಗ ಮಾರುಕಟ್ಟೆಯಲ್ಲಿ

2011-10-09T23:10:00.000+05:30

ಮೈಸೂರಿನ ಭಾರತೀ ಪ್ರಕಾಶನ ಹೊರತಂದಿರುವ ನನ್ನ ತಂದೆಯವರ ಕೃತಿ 'ಕನ್ನಡ ವ್ಯಾಕರಣ ಪ್ರವೇಶ'ದ ಏಳನೇ ಆವೃತ್ತಿ ಇದೀಗ ಮಾರುಕಟ್ಟೆಯಲ್ಲಿದೆ (ಬೆಲೆ ರೂ.೬೫/-). ಈ ಪುಸ್ತಕದ ಕುರಿತು ಬೇದ್ರೆ ಮಂಜುನಾಥರು ಹಿಂದೊಮ್ಮೆ ಬರೆದಿದ್ದ ಪರಿಚಯ ಇದೀಗ ಮತ್ತೊಮ್ಮೆ ನಿಮಗಾಗಿ.

ಇಜ್ಞಾನ: 'ವಿಜ್ಞಾನ ಸಂವಹನ ಸಂಚಿಕೆ' ಬಂದಿದೆ!

2011-10-05T16:03:00.000+05:30

ಇಜ್ಞಾನ ವಿದ್ಯುನ್ಮಾನ ಪತ್ರಿಕೆಯ 'ವಿಜ್ಞಾನ ಸಂವಹನ ಸಂಚಿಕೆ' ಇದೀಗ ಹೊರಬಂದಿದೆ. ಈ ಸಂಚಿಕೆಯನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಾರದ ಅಂಕಣ ಕಿಂಡ್ಲ್ ಫೈರ್ ಬಗ್ಗೆ!

2011-10-04T08:25:00.002+05:30

ಅಕ್ಟೋಬರ್ ೪, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ಲೇಖನದ ಶೀರ್ಷಿಕೆ, ಯಥಾಪ್ರಕಾರ, ಪತ್ರಿಕೆಯವರ ಕೊಡುಗೆ.
ಈ ಲೇಖನದ ಪಠ್ಯರೂಪ ಇಜ್ಞಾನ ಡಾಟ್ ಕಾಮ್‌ನಲ್ಲಿದೆ. ನೀವು ಫೇಸ್‌ಬುಕ್‌ನಲ್ಲಿ ಇಜ್ಞಾನದ ಪುಟ ಲೈಕ್ ಮಾಡಿದ್ದೀರಾ?

ಉದಯವಾಣಿ ಅಂಕಣದಲ್ಲಿ ಕಿರಿಯರ ಸಮಾಜಜಾಲಗಳು

2011-09-27T11:02:00.000+05:30

ಸೆಪ್ಟೆಂಬರ್ ೨೭, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ಈ ಲೇಖನದ ಪಠ್ಯರೂಪ ಇಜ್ಞಾನ ಡಾಟ್ ಕಾಮ್‌ನಲ್ಲಿದೆ. ನಿಮಗೆ ಇಜ್ಞಾನ ಇಷ್ಟವಾಗಿದ್ದರೆ ಅದರ ಫೇಸ್‌ಬುಕ್‌ ಪುಟವನ್ನೂ ಲೈಕ್ ಮಾಡಿ!

ಈ ವಾರದ ಅಂಕಣಬರೆಹ ಕ್ಯೂಆರ್ ಕೋಡ್ ಬಗ್ಗೆ!

2011-09-20T14:26:00.000+05:30

ಸೆಪ್ಟೆಂಬರ್ ೨೦, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ಲೇಖನದೊಡನೆ 'ಕ್ಯೂ ಆಂಡ್ ಎ' ಚಿತ್ರ ಪ್ರಕಟವಾಗಿರುವುದರ ಉದ್ದೇಶ ನನಗೆ ಸ್ಪಷ್ಟವಾಗಿಲ್ಲ.
ಈ ಲೇಖನದ ಪಠ್ಯರೂಪ ಇಜ್ಞಾನ ಡಾಟ್ ಕಾಮ್‌ನಲ್ಲಿದೆ. ನಿಮಗೆ ಇಜ್ಞಾನ ಇಷ್ಟವಾಗಿದ್ದರೆ ಅದರ ಫೇಸ್‌ಬುಕ್‌ ಪುಟವನ್ನೂ ಲೈಕ್ ಮಾಡಿ!

ಉದಯವಾಣಿ ಅಂಕಣದಲ್ಲಿ ಕಮಡೋರ್ ೬೪ ನೆನಪು

2011-09-13T13:19:00.000+05:30

ಸೆಪ್ಟೆಂಬರ್ ೧೩, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ಲೇಖನಕ್ಕೆ ಪತ್ರಿಕೆಯವರು ಕೊಟ್ಟಿರುವ ಶೀರ್ಷಿಕೆ ಅಷ್ಟು ಸಮರ್ಪಕವಾಗಿಲ್ಲವೆನ್ನುವುದು ನನ್ನ ಅನಿಸಿಕೆ.
ಈ ಲೇಖನದ ಪಠ್ಯರೂಪ ಇಜ್ಞಾನ ಡಾಟ್ ಕಾಮ್‌ನಲ್ಲಿದೆ. ನಿಮಗೆ ಇಜ್ಞಾನ ಇಷ್ಟವಾಗಿದ್ದರೆ ಅದರ ಫೇಸ್‌ಬುಕ್‌ ಪುಟವನ್ನೂ ಲೈಕ್ ಮಾಡಿ!

ಉದಯವಾಣಿ ಅಂಕಣ: "ಬ್ರಾಡ್‌ಬ್ಯಾಂಡ್ ಭಾಷೆ"

2011-09-06T13:10:00.001+05:30

ಸೆಪ್ಟೆಂಬರ್ ೬, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ಈ ಲೇಖನದ ಪಠ್ಯರೂಪ ಇಜ್ಞಾನ ಡಾಟ್ ಕಾಮ್‌ನಲ್ಲಿದೆ. ನೀವು ಇಜ್ಞಾನದ ಫೇಸ್‌ಬುಕ್ ಪುಟ ನೋಡಿದ್ದೀರಾ?

ಉದಯವಾಣಿ ಅಂಕಣ: "ಫಿಶಿಂಗ್ ಅಲ್ಲ; ಇದು ವಿಶಿಂಗ್"

2011-08-30T09:45:00.001+05:30

ಆಗಸ್ಟ್ ೩೦, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ಈ ಲೇಖನದ ಪಠ್ಯರೂಪ ಇಜ್ಞಾನ ಡಾಟ್ ಕಾಮ್‍ನಲ್ಲಿದೆ. ಅಲ್ಲಿ ಹೋದಾಗ ಇಜ್ಞಾನ ವಿದ್ಯುನ್ಮಾನ ಪತ್ರಿಕೆಯ ಮಾಹಿತಿ ತಂತ್ರಜ್ಞಾನ ಸಂಚಿಕೆಯನ್ನೂ ನೋಡಿ!

ಉದಯವಾಣಿ ಅಂಕಣ: "ಬಗ್ ಬ್ಯಾಂಗ್"

2011-08-23T09:06:00.000+05:30

ಆಗಸ್ಟ್ ೨೩, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ಈ ಲೇಖನದ ಪಠ್ಯರೂಪ ಇಜ್ಞಾನ ಡಾಟ್ ಕಾಮ್‍ನಲ್ಲಿದೆ. ಅಲ್ಲಿ ಹೋದಾಗ ಇಜ್ಞಾನ ವಿದ್ಯುನ್ಮಾನ ಪತ್ರಿಕೆಯ ಮಾಹಿತಿ ತಂತ್ರಜ್ಞಾನ ಸಂಚಿಕೆಯನ್ನೂ ನೋಡಿ!

ಉದಯವಾಣಿ ಅಂಕಣ: "ಲಂಡನ್ ರಂಪದ ಹೈಟೆಕ್ ರೂಪ"

2011-08-16T14:56:00.000+05:30

ಆಗಸ್ಟ್ ೧೬, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ಮೂಲ ಲೇಖನದ ಪಠ್ಯರೂಪಕ್ಕಾಗಿ ಇಜ್ಞಾನ ಡಾಟ್ ಕಾಮ್ ನೋಡಿ.

ಉದಯವಾಣಿ ಅಂಕಣ: "ವೆಬ್ ವಿಹಾರದ ಎರಡು ದಶಕ"

2011-08-09T09:57:00.000+05:30

ಆಗಸ್ಟ್ ೯, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ಇದರ ಪಠ್ಯರೂಪ ಇಜ್ಞಾನ ಡಾಟ್ ಕಾಮ್‌ನಲ್ಲಿದೆ. ಅಲ್ಲಿಗೆ ಹೋದಾಗ ಇಜ್ಞಾನದ ಮಾಹಿತಿ ತಂತ್ರಜ್ಞಾನ ಸಂಚಿಕೆ ಓದಲು ಮರೆಯಬೇಡಿ!

ಉದಯವಾಣಿ ಅಂಕಣದ ೪೦ನೆಯ ವಾರ...

2011-08-02T16:30:00.000+05:30

ಆಗಸ್ಟ್ ೨, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ಓದಲು ಚಿತ್ರದ ಮೇಲೆ ಕ್ಲಿಕ್ ಮಾಡಿ. ಪಠ್ಯರೂಪಕ್ಕಾಗಿ ಇಜ್ಞಾನ ಡಾಟ್ ಕಾಮ್ ನೋಡಿ.

ಕಾರು ಹಾರುತಿದೆ ನೋಡಿದಿರಾ?

2011-07-28T17:15:00.000+05:30

ವಿಜ್ಞಾನ ಲೋಕ ಪತ್ರಿಕೆಯ ಜುಲೈ ೨೦೧೧ರ ಸಂಚಿಕೆಯಲ್ಲಿ ಪ್ರಕಟವಾದ ಲೇಖನ

ಉದಯವಾಣಿ ಅಂಕಣ: "ಕ್ರೌಡ್‌ಸೋರ್ಸಿಂಗ್ ಎಂದರೆ ಗೊತ್ತೇ?"

2011-07-26T10:04:00.001+05:30

ಜುಲೈ ೨೬, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ಓದಲು ಚಿತ್ರದ ಮೇಲೆ ಕ್ಲಿಕ್ ಮಾಡಿ. ಪಠ್ಯರೂಪಕ್ಕಾಗಿ ಇಜ್ಞಾನ ಡಾಟ್ ಕಾಮ್ ನೋಡಿ.

ಬೆದರು ತಂತ್ರಾಂಶಗಳಿಗೆ ಹೆದರಬೇಡಿ!

2011-07-21T22:10:00.001+05:30

ಜುಲೈ ೧೩, ೨೦೧೧ರ ಪ್ರಜಾವಾಣಿಯಲ್ಲಿ ಪ್ರಕಟವಾದ ಲೇಖನ. ಪಠ್ಯರೂಪಕ್ಕಾಗಿ ಇಜ್ಞಾನ ಡಾಟ್ ಕಾಮ್ ನೋಡಿ.

ಉದಯವಾಣಿ ಅಂಕಣ: "ಮರೆತುಹೋದ ಮಿತ್ರ ಫ್ಲಾಪಿ"

2011-07-19T10:39:00.000+05:30

ಜುಲೈ ೧೯, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ಓದಲು ಚಿತ್ರದ ಮೇಲೆ ಕ್ಲಿಕ್ ಮಾಡಿ. ಪಠ್ಯರೂಪಕ್ಕಾಗಿ ಇಜ್ಞಾನ ಡಾಟ್ ಕಾಮ್ ನೋಡಿ.

ಉದಯವಾಣಿ ಅಂಕಣ: "ಹಕ್ಕಿಗಳಿಗೆ ಕೋಪ ಬಂದಾಗ..."

2011-07-12T09:17:00.001+05:30

ಜುಲೈ ೧೨, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ಮುದ್ರಣದೋಷಗಳಿಲ್ಲದ ಪಠ್ಯರೂಪಕ್ಕಾಗಿ ಇಜ್ಞಾನ ಡಾಟ್ ಕಾಮ್ ನೋಡಿ.

ಉದಯವಾಣಿ ಅಂಕಣ: ಸಮಾಜ ಜಾಲಗಳ ಲೋಕದಲ್ಲಿ

2011-07-05T09:14:00.002+05:30

ಜುಲೈ ೫, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ಮೈಸ್ಪೇಸ್-ಫೇಸ್‌ಬುಕ್-ಗೂಗಲ್ ಪ್ಲಸ್ ಎಲ್ಲವನ್ನೂ ದೃಷ್ಟಿಯಲ್ಲಿಟ್ಟುಕೊಂಡು ಬರೆದದ್ದು. ಪತ್ರಿಕೆಯವರೇಕೋ ಗೂಗಲ್ ಪ್ಲಸ್ ಎಂಬ ಶೀರ್ಷಿಕೆ ಕೊಟ್ಟಿದ್ದಾರೆ. ಆ ಶೀರ್ಷಿಕೆ ಲೇಖನಕ್ಕೆ ಅಷ್ಟಾಗಿ ಹೊಂದುವುದಿಲ್ಲ ಎನ್ನುವುದು ನನ್ನ ಅನಿಸಿಕೆ.

ಅಂತರಜಾಲ ಲೋಕದ ಸುದ್ದಿಮನೆಗೆ ಕಳೆದ ಕೆಲದಿನಗಳಿಂದ ಬಿಡುವೇ ಇಲ್ಲ; ಒಂದರ ಮೇಲೊಂದರಂತೆ ಹೊಸಹೊಸ ಸುದ್ದಿಗಳು ಬರುತ್ತಲೇ ಇವೆ.

ಇಂತಹ ಸುದ್ದಿಗಳಲ್ಲಿ ಅತ್ಯಂತ ಹೆಚ್ಚು ಸದ್ದು ಮಾಡಿದ್ದು ಪ್ರಾಯಶಃ ಗೂಗಲ್ ಪ್ಲಸ್ ಅನಾವರಣದ ವಿಷಯ. ಅದೇ ಸಮಯದಲ್ಲಿ ಕಾಣಿಸಿಕೊಂಡ, ಆದರೆ ಅಷ್ಟಾಗಿ ಪ್ರಚಾರಪಡೆಯದ, ಇನ್ನೊಂದು ಸುದ್ದಿ ಮೈಸ್ಪೇಸ್ ಡಾಟ್ ಕಾಮ್ ಮಾರಾಟದ ಕುರಿತದ್ದು. ಈವರೆಗೆ ಅತ್ಯಂತ ಕ್ಷಿಪ್ರಗತಿಯ ಬೆಳೆವಣಿಗೆ ಕಂಡಿರುವ ಫೇಸ್‌ಬುಕ್ ಜನಪ್ರಿಯತೆ ನಿಧಾನಕ್ಕೆ ಕಡಿಮೆಯಾಗುತ್ತಿರಬಹುದು ಎಂದು ಸಂದೇಹ ವ್ಯಕ್ತಪಡಿಸಿದ ಅಧ್ಯಯನವೊಂದರ ಸುದ್ದಿಯೂ ಅಲ್ಲಲ್ಲಿ ಕಾಣಿಸಿಕೊಂಡಿದೆ.

ಇವೆಲ್ಲವೂ ಸೋಷಿಯಲ್ ನೆಟ್‌ವರ್ಕ್ ಅಥವಾ ಸಮಾಜ ಜಾಲಗಳಿಗೆ ಸಂಬಂಧಪಟ್ಟ ಸುದ್ದಿಗಳು ಎನ್ನುವುದು ವಿಶೇಷ.

***
ಇಮೇಲ್, ಚಾಟಿಂಗ್ ಮುಂತಾದ ಅನೇಕ ಮಾಧ್ಯಮಗಳ ಮೂಲಕ ವಿಶ್ವದ ಮೂಲೆಮೂಲೆಗಳಲ್ಲಿರುವವರ ನಡುವೆ ಕ್ಷಣಾರ್ಧದಲ್ಲಿ ಸಂಪರ್ಕ ಸಾಧ್ಯವಾಗಿಸಿದ್ದು ಅಂತರಜಾಲ ನಮಗೆ ಕೊಟ್ಟ ಅತ್ಯಂತ ದೊಡ್ಡ ಕೊಡುಗೆ. ಸೋಷಿಯಲ್ ನೆಟ್‌ವರ್ಕ್ ಅಥವಾ ಸಮಾಜ ಜಾಲಗಳ ಕಲ್ಪನೆ ಕೂಡ ಇದೇ ನಿಟ್ಟಿನಲ್ಲಿ ಇನ್ನೊಂದು ದೊಡ್ಡ ಸಾಧನೆ.

ಹಳೆಯ ಗೆಳೆಯರ ಜೊತೆ ಮತ್ತೆ ಸಂಪರ್ಕ ಪಡೆದುಕೊಳ್ಳಲು, ಹೊಸಹೊಸ ಜನರನ್ನು ಪರಿಚಯಿಸಿಕೊಂಡು ಅವರೊಡನೆ ಗೆಳೆತನ ಬೆಳೆಸಲು, ನಮ್ಮ ಚಟುವಟಿಕೆಗಳ ಬಗೆಗೆ ಮಿತ್ರರಿಗೆಲ್ಲ ಹೇಳಲು, ಛಾಯಾಚಿತ್ರ-ವೀಡಿಯೋಗಳನ್ನು ಹಂಚಿಕೊಳ್ಳಲು ಈ ಸಮಾಜ ಜಾಲಗಳು ಸಹಾಯಮಾಡುತ್ತವೆ.

ನಾವು ಆಗಿಂದಾಗ್ಗೆ ಕೇಳುವ ಫೇಸ್‌ಬುಕ್, ಟ್ವೀಟರ್, ಆರ್ಕುಟ್ ಇವೆಲ್ಲ ಸಮಾಜ ಜಾಲತಾಣಗಳೇ.
***
ಸಮಾಜ ಜಾಲಗಳ ಕಲ್ಪನೆ ಒಂದು ಸುದೀರ್ಘ ಅವಧಿಯಲ್ಲಿ ಬೆಳೆದದ್ದು; ಹೀಗಾಗಿ ಇದೇ ಮೊದಲ ಸಮಾಜ ಜಾಲತಾಣ ಎಂದು ನಾವು ಯಾವ ತಾಣದತ್ತಲೂ ಬೊಟ್ಟುಮಾಡಿ ತೋರಿಸುವುದು ಕಷ್ಟ. ವಿವಿಧ ತಾಣಗಳ ಮೂಲಕ ಲಭ್ಯವಾಗುತ್ತಿದ್ದ ಬುಲೆಟಿನ್ ಬೋರ್ಡ್‌ಗಳು, ಚಾಟಿಂಗ್, ಉಚಿತ ವೈಯಕ್ತಿಕ ಪುಟಗಳು ಮುಂತಾದ ಸೇವೆಗಳು ನಿಧಾನಕ್ಕೆ ಬೆಳೆಯುತ್ತ ಇಂದಿನ ಸಮಾಜ ಜಾಲಗಳಾಗಿ ರೂಪಗೊಂಡಿವೆ ಎನ್ನಬಹುದೇನೋ.

ನಮಗೆ ಈಗ ಪರಿಚಯವಿರುವ ರೂಪದ ಸಮಾಜ ಜಾಲತಾಣಗಳು ಕಾಣಿಸಿಕೊಳ್ಳಲು ಪ್ರಾರಂಭವಾದದ್ದು ಕಳೆದ ಶತಮಾನದ ಕೊನೆಯ ದಶಕದಲ್ಲಿ. ಸಿಕ್ಸ್‌ಡಿಗ್ರೀಸ್, ಫ್ರೆಂಡ್‌ಸ್ಟರ್, ಮೈಸ್ಪೇಸ್, ಲಿಂಕ್ಡ್‌ಇನ್, ಬೇಬೋ ಇವು ಮೊದಲಿಗೆ ಕಾಣಿಸಿಕೊಂಡ ಸಮಾಜ ಜಾಲತಾಣಗಳಲ್ಲಿ ಕೆಲವು.

ಮೈಸ್ಪೇಸ್ (www.myspace.com) ಅಂತೂ ಅತ್ಯಲ್ಪ ಅವಧಿಯಲ್ಲೇ ಅಭೂತಪೂರ್ವ ಜನಪ್ರಿಯತೆ ಗಳಿಸಿಕೊಂಡಿತು. ಒಂದು ಕಾಲದಲ್ಲಿ ಈ ತಾಣಕ್ಕೆ ಭೇಟಿನೀಡುತ್ತಿದ್ದವರ ಸಂಖ್ಯೆ ಗೂಗಲ್ ಡಾಟ್ ಕಾಮ್ ಸಂದರ್ಶಕರಿಗಿಂತ ಹೆಚ್ಚಿತ್ತಂತೆ!

ಮಾಧ್ಯಮ ದೊರೆ ರೂಪರ್ಟ್ ಮರ್ಡೋಕ್ ಸಾರಥ್ಯದ ನ್ಯೂಸ್‌ಕಾರ್ಪ್ ಸಂಸ್ಥೆ ೨೦೦೫ರಲ್ಲಿ ಐದುನೂರಾ ಎಂಬತ್ತು ಮಿಲಿಯನ್ ಡಾಲರುಗಳ ಭಾರೀ ಮೊತ್ತ ಪಾವತಿಸಿ ಮೈಸ್ಪೇಸ್ ಅನ್ನು ಕೊಂಡುಕೊಂಡಿತು. ೨೦೦೮ರಲ್ಲಿ ಎಒಎಲ್ ಸಂಸ್ಥೆ ಬೇಬೋ (www.bebo.com) ಅನ್ನು ಎಂಟುನೂರ ಐವತ್ತು ಮಿಲಿಯನ್ ಡಾಲರ್ ಪಾವತಿಸಿ ತನ್ನದಾಗಿಸಿಕೊಂಡಿತು. ಸಮಾಜ ಜಾಲಗಳು ವಿಶ್ವವ್ಯಾಪಿ ಜಾಲದಲ್ಲಿ ದೊಡ್ಡದೊಂದು ಕ್ರಾಂತಿಯನ್ನೇ ತರುವ ನಿರೀಕ್ಷೆ ಸಹಜವಾಗಿಯೇ ಎಲ್ಲರಲ್ಲೂ ಬೆಳೆಯಿತು.

ಕ್ರಾಂತಿಯೇನೋ ಸಂಭವಿಸಿತು, ನಿಜ. ಆದರೆ ಮೈಸ್ಪೇಸ್ ಆಗಲಿ ಬೇಬೋ ಆಗಲಿ ಯಾವುದೂ ತಮ್ಮ ಪ್ರಾರಂಭಿಕ ದಿನಗಳ ಜನಪ್ರಿಯತೆಯನ್ನು ಉಳಿಸಿಕೊಳ್ಳಲಿಲ್ಲ. ಕಳೆದ ವರ್ಷ ಎಒಎಲ್ ಸಂಸ್ಥೆ ಬೇಬೋ ತಾಣವನ್ನು ಹತ್ತು ಮಿಲಿಯನ್ ಡಾಲರುಗಳಿಗಿಂತ ಕಡಿಮೆ ಬೆಲೆಗೆ ಮಾರಿ ಕೈತೊಳೆದುಕೊಂಡಿತು. ಇದೀಗ ನ್ಯೂಸ್‌ಕಾರ್ಪ್ ಕೂಡ ಮೈಸ್ಪೇಸ್ ತಾಣವನ್ನು ಮೂವತ್ತೈದು ಮಿಲಿಯನ್ ಡಾಲರುಗಳಿಗೆ ಮಾರಿ ಸಮಾಜ ಜಾಲಗಳ ವ್ಯವಹಾರದಿಂದ ಹೊರನಡೆದಿದೆ.
***
ಮೊದಲ ತಲೆಮಾರಿನ ಸಮಾಜ ಜಾಲತಾಣಗಳ ಜನಪ್ರಿಯತೆ ಕಡಿಮೆಯಾಗುತ್ತಿದ್ದ ಸಂದರ್ಭದಲ್ಲಿ ಮುಂಚೂಣಿಗೆ ಬಂದದ್ದು ಫೇಸ್‌ಬುಕ್ ಡಾಟ್ ಕಾಮ್. ೨೦೦೪ರಲ್ಲಿ ಪ್ರಾರಂಭವಾದ ಈ ತಾಣ ಸದ್ಯದಲ್ಲಿ ಅತ್ಯಂತ ಹೆಚ್ಚು ಜನಪ್ರಿಯತೆ ಗಳಿಸಿಕೊಂಡಿರುವ ಸಮಾಜ ಜಾಲತಾಣಗಳ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದೆ.

ಮೊದಲಿಗೆ ಹಾರ್ವರ್ಡ್ ವಿಶ್ವವಿದ್ಯಾನಿಲಯದ ವಿದ್ಯಾರ್ಥಿಗಳಿಗಷ್ಟೆ ಸೀಮಿತವಾಗಿದ್ದ ಈ ತಾಣ ನಿಧಾನಕ್ಕೆ ವಿಶ್ವವ್ಯಾಪಿಯಾಗಿ ಬೆಳೆಯಿತು. ಇದು ಬೇರೆಯವರಿಂದ ಕದ್ದ ಪರಿಕಲ್ಪನೆ ಎಂಬ ಆರೋಪ ನ್ಯಾಯಾಲಯದ ಮೆಟ್ಟಿಲು ಹತ್ತಿದರೂ ಫೇಸ್‌ಬುಕ್ ಜನಪ್ರಿಯತೆಗೆ ಅಡ್ಡಿಯಾಗಲಿಲ್ಲ.

ಪ್ರಸ್ತುತ ಫೇಸ್‌ಬುಕ್‌ನಲ್ಲಿ ಐವತ್ತು ಕೋಟಿಗೂ ಹೆಚ್ಚು ಜನ ಸದಸ್ಯರಿದ್ದಾರಂತೆ. ಫೇಸ್‌ಬುಕ್ ಅನ್ನು ಒಂದು ದೇಶ ಎಂದು ಕಲ್ಪಿಸಿಕೊಳ್ಳುವುದಾದರೆ ಅತ್ಯಂತ ಹೆಚ್ಚಿನ ಜನಸಂಖ್ಯೆ ಇರುವ ರಾಷ್ಟ್ರಗಳ ಸಾಲಿನಲ್ಲಿ ಅದು ಮೂರನೆಯ ಸ್ಥಾನದಲ್ಲಿ ನಿಲ್ಲಲಿದೆ.
***
ಫೇಸ್‌ಬುಕ್‌ನ ಜನಪ್ರಿಯತೆ ವಿಶ್ವವ್ಯಾಪಿ ಜಾಲದಲ್ಲಿ ಇನ್ನೂ ಅನೇಕ ಪ್ರಯತ್ನಗಳಿಗೆ ಸ್ಫೂರ್ತಿನೀಡಿದೆ; ಆದರೆ ಈವರೆಗೆ ಅವು ಯಾವುವೂ ಫೇಸ್‌ಬುಕ್‌ನಷ್ಟು ಜನಪ್ರಿಯತೆ ಗಳಿಸಿಕೊಂಡಿಲ್ಲ.

ಇದೀಗ ಗೂಗಲ್ ಕೂಡ ತನ್ನ 'ಗೂಗಲ್ ಪ್ಲಸ್' ಸೇವೆಯನ್ನು ಮುಂದಿಟ್ಟುಕೊಂಡು ಫೇಸ್‌ಬುಕ್‌ನೊಡನೆ ನೇರ ಸ್ಪರ್ಧೆಗಿಳಿದಿದೆ. ಈ ಸೇವೆ ತನ್ನ ಪ್ರಾರಂಭಿಕ ಹಂತದಲ್ಲಿ ಆಹ್ವಾನಿತ ಬಳಕೆದಾರರಿಗಷ್ಟೆ ಲಭ್ಯವಿದ್ದದ್ದರಿಂದ ಗೂಗಲ್ ಪ್ಲಸ್‌ನ ಬಗೆಗೆ ಸಾಕಷ್ಟು ಕುತೂಹಲವೂ ಸೃಷ್ಟಿಯಾಗಿದೆ.

ಫೇಸ್‌ಬುಕ್‌ನಲ್ಲಿ ಲಭ್ಯವಿರುವ ಬಹುತೇಕ ಎಲ್ಲ ಸೌಲಭ್ಯಗಳೂ ಗೂಗಲ್ ಪ್ಲಸ್‌ನಲ್ಲಿವೆ. ಗೂಗಲ್ ಪ್ಲಸ್‌ನ ಪುಟ ಸರಿಸುಮಾರು ಫೇಸ್‌ಬುಕ್‌ನಂತೆಯೇ ಕಾಣುತ್ತದೆ ಎಂಬ ಅಭಿಪ್ರಾಯ ಕೂಡ ಕೇಳಿಬಂದಿದೆ.

ನಮ್ಮ ಗೆಳೆಯರನ್ನು 'ಸರ್ಕಲ್'ಗಳೆಂಬ ಬೇರೆಬೇರೆ ಗುಂಪುಗಳಾಗಿ ವಿಂಗಡಿಸಿಕೊಳ್ಳುವ, ಹಾಗೂ ಯಾವ ಗುಂಪಿನವರ ಜೊತೆ ಯಾವ ಮಾಹಿತಿ ಹಂಚಿಕೊಳ್ಳಬೇಕೆಂದು ನಾವೇ ತೀರ್ಮಾನಿಸುವ ಸೌಲಭ್ಯ ಗೂಗಲ್ ಪ್ಲಸ್‌ನಲ್ಲಿದೆ. ಅಷ್ಟೇ ಅಲ್ಲ, ಇಲ್ಲಿರುವ 'ಹ್ಯಾಂಗ್ ಔಟ್' ಸೌಕರ್ಯ ಬಳಸಿಕೊಂಡು ಅನೇಕ ಮಿತ್ರರೊಡನೆ ಏಕಕಾಲದಲ್ಲಿ ವೀಡಿಯೋ ಚಾಟ್ ಕೂಡ ಮಾಡಬಹುದು. ಪಠ್ಯರೂಪದ ಚಾಟಿಂಗ್ ಮಾತ್ರವೇ ಲಭ್ಯವಿರುವ ಫೇಸ್‌ಬುಕ್‌ನಲ್ಲಿ ಇದು ಸಾಧ್ಯವಿಲ್ಲ. ನಾವು ಸೇರಿಸುವ ಚಿತ್ರಗಳಲ್ಲಿ ಸಣ್ಣಪುಟ್ಟ ಬದಲಾವಣೆ ಮಾಡುವ ಸೌಲಭ್ಯವೂ ಇರುವುದು ಗೂಗಲ್ ಪ್ಲಸ್‌ನ ಇನ್ನೊಂದು ಪ್ಲಸ್ ಪಾಯಿಂಟ್.
***
ಸಮಾಜ ಜಾಲಗಳ ಲೋಕದಲ್ಲಿ ಗೂಗಲ್‌ನ ಈವರೆಗಿನ ಪ್ರಯತ್ನಗಳು ಹೇಳಿಕೊಳ್ಳುವಂತಹ ಫಲಿತಾಂಶವನ್ನೇನೂ ಕೊಟ್ಟಿಲ್ಲ. ಭಾರತವೂ ಸೇರಿದಂತೆ ಬೆರೆಳೆಣಿಕೆಯಷ್ಟು ರಾಷ್ಟ್ರಗಳಲ್ಲಿ ಒಂದಷ್ಟು ಕಾಲ ಹೆಸರುಮಾಡಿ ಈಗ ನಿಧಾನಕ್ಕೆ ತೆರೆಮರೆಗೆ ಸರಿಯುತ್ತಿರುವ ಆರ್ಕುಟ್, ಹೆಚ್ಚೇನೂ ಜನಪ್ರಿಯತೆ ಗಳಿಸದ ಬಜ್ ಹಾಗೂ ಸಂಪೂರ್ಣವಾಗಿ ವಿಫಲವಾದ ವೇವ್ - ಇವುಗಳ ನಂತರ ಬಂದಿರುವ ಗೂಗಲ್ ಪ್ಲಸ್ ಎಷ್ಟರ ಮಟ್ಟಿಗೆ ಜನಪ್ರಿಯವಾಗಲಿದೆ ಎಂದು ಎಲ್ಲರೂ ಕಾದುನೋಡುತ್ತಿದ್ದಾರೆ.

ಉದಯವಾಣಿ ಅಂಕಣ: "ಜಾಲತಾಣದ ಬಾಲದ ಕುರಿತು"

2011-06-28T10:14:00.002+05:30

ಜೂನ್ ೨೮, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ವಿಜ್ಞಾಪನೆ ಅಂಕಣದ ೩೫ನೇ ಕಂತು. ಓದಲು ಚಿತ್ರದ ಮೇಲೆ ಕ್ಲಿಕ್ ಮಾಡಿ. ಮುದ್ರಣದೋಷಗಳಿಲ್ಲದ ಪಠ್ಯರೂಪಕ್ಕಾಗಿ ಇಜ್ಞಾನ ಡಾಟ್ ಕಾಮ್ ನೋಡಿ.

'ಕಣಜ' ಯುವ ವರದಿಗಾರರಾಗಲು ಕಾಲೇಜು ವಿದ್ಯಾರ್ಥಿಗಳಿಗೆ ಕರೆ

2011-06-27T18:26:00.002+05:30

'ಕಣಜ' ಅಂತರಜಾಲ ಕನ್ನಡ ಜ್ಞಾನಕೋಶಕ್ಕೆ ಭೇಟಿಕೊಡಲು ಇಲ್ಲಿ ಕ್ಲಿಕ್ ಮಾಡಿ

ಉದಯವಾಣಿ ಅಂಕಣ: "ಹ್ಯಾಕಿಂಗ್ ಹಾವಳಿ"

2011-06-21T10:32:00.000+05:30

ಜೂನ್ ೨೧, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ

ಉದಯವಾಣಿ ಅಂಕಣ: "ವಿಶ್ವವ್ಯಾಪಿ ಜಾಲ ಹುಟ್ಟಿದ ಕಥೆ"

2011-06-07T08:12:00.000+05:30

ಜೂನ್ ೭, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ

ಇ-ಜ್ಞಾನ ವಿದ್ಯುನ್ಮಾನ ಪತ್ರಿಕೆ ಇದೀಗ ಲಭ್ಯ

2011-06-05T00:00:00.002+05:30

ವಿಶ್ವ ಪರಿಸರ ದಿನಾಚರಣೆಯ ಸಂದರ್ಭದಲ್ಲಿ ಕನ್ನಡ ವಿದ್ಯುನ್ಮಾನ ಪತ್ರಿಕೆಯ ಮೊದಲ ಸಂಚಿಕೆಯನ್ನು ಇಜ್ಞಾನ ನಿಮ್ಮ ಮುಂದಿಡುತ್ತಿದೆ.

'ಪರಿಸರ ಸಂಚಿಕೆ'ಯಾಗಿ ಮೂಡಿಬಂದಿರುವ ನಮ್ಮ ಮೊದಲ ಪ್ರಯತ್ನ ಇದೀಗ ಇಜ್ಞಾನ ಡಾಟ್ ಕಾಮ್‌ನಲ್ಲಿ ಲಭ್ಯವಿದೆ. ನಿಮ್ಮ ಅನಿಸಿಕೆ ಅಭಿಪ್ರಾಯಗಳಿಗೆ ಆದರದ ಸ್ವಾಗತ.

ಇಜ್ಞಾನ ಪರಿಸರ ಸಂಚಿಕೆಯನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

ಜೂನ್ ೬, ೨೦೧೧ರ ವಿಜಯ ಕರ್ನಾಟಕ ಲವಲವಿಕೆ ಪುರವಣಿ ನಮ್ಮ ಪ್ರಯತ್ನದ ಬಗೆಗೆ ಹೀಗೆ ಹೇಳಿದೆ:

ಜೂನ್ ೮, ೨೦೧೧ರ ಪ್ರಜಾವಾಣಿ ತಂತ್ರಜ್ಞಾನ ಪುರವಣಿಯಲ್ಲಿ ಪ್ರಕಟವಾದ ವರದಿ ಇದು:

ಜೈವಿಕ ಇಂಧನ ಕುರಿತು ಹೀಗೊಂದು ಲೇಖನ

2011-06-02T16:23:00.002+05:30

ಉದಯವಾಣಿ ಅಂಕಣ: "ಇಆರ್‌ಪಿ ಅಂದ್ರೆ ಇಷ್ಟೇನೇ..."

2011-05-31T11:16:00.000+05:30

ಮೇ ೩೧, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ಈ ಲೇಖನದ ಪಠ್ಯರೂಪಕ್ಕಾಗಿ ಇಜ್ಞಾನ ಡಾಟ್ ಕಾಮ್ ನೋಡಿ.

ಮಾತಾಡುವ ಚಿತ್ರಗಳು - ೧೮: ಪಿಕಳಾರ

2011-05-30T22:02:00.000+05:30

ಉದಯವಾಣಿ ಅಂಕಣ: "ಲಿಂಕ್ಡ್ಇನ್ ಲಂಘನ"

2011-05-27T09:51:00.000+05:30

ಮೇ ೨೪, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ

ಉದಯವಾಣಿ ಅಂಕಣ: "ಸ್ಕೈಪ್ ಸಮಾಚಾರ"

2011-05-17T20:02:00.000+05:30

ಮೇ ೧೭, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ಈ ಲೇಖನದ ಪಠ್ಯರೂಪ ಇಜ್ಞಾನ ಡಾಟ್ ಕಾಮ್‌ನಲ್ಲಿ ಲಭ್ಯವಿದೆ.

ಉದಯವಾಣಿ ಅಂಕಣ: "ವಿಶ್ವವ್ಯಾಪಿ ಜಾಲದಲ್ಲಿ ಮಾಹಿತಿ ಸಂಚಾರ"

2011-05-10T09:03:00.000+05:30

ಮೇ ೧೦, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ಈ ಲೇಖನದ ಪಠ್ಯರೂಪ ಇಜ್ಞಾನ ಡಾಟ್ ಕಾಮ್‌ನಲ್ಲಿದೆ.

ಮಾತಾಡುವ ಚಿತ್ರಗಳು - ೧೭: ವಿಜಯನಗರ ಸಾಮ್ರಾಜ್ಯ

2011-05-05T23:24:00.000+05:30

ಚಿಣ್ಣರ ಚೇತನ

2011-05-04T17:48:00.001+05:30

ಈಗಷ್ಟೆ ಮುಗಿದ ಶೈಕ್ಷಣಿಕ ವರ್ಷದ ಕೊನೆಯ 'ಚಿಣ್ಣರ ಚೇತನ' ಸಂಚಿಕೆ ಇದು. ಇದರಲ್ಲಿ ಪ್ರಕಟವಾಗಿರುವ ರೈಲುಗಳ ಬಗೆಗಿನ ಲೇಖನದ ಪೂರ್ಣರೂಪಕ್ಕಾಗಿ ಇಜ್ಞಾನ ಡಾಟ್ ಕಾಮ್ ನೋಡಿ.

ಉದಯವಾಣಿ ಅಂಕಣ: "ಡೇಟಾ ವೇರ್‌ಹೌಸ್ ಎಂಬ ಮಾಹಿತಿ ಗೋದಾಮು"

2011-05-03T09:09:00.002+05:30

ಮೇ ೩, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ಈ ಲೇಖನದ - ಮುದ್ರಣದೋಷಗಳಿಲ್ಲದ - ಪಠ್ಯರೂಪ ಇಜ್ಞಾನ ಡಾಟ್ ಕಾಮ್‌ನಲ್ಲಿದೆ.

ಉದಯವಾಣಿ ಅಂಕಣ: "ಇದು ಸೋಶಿಯಲ್ ನ್ಯೂಸ್"

2011-04-26T15:44:00.000+05:30

ಏಪ್ರಿಲ್ ೨೬, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ಈ ಲೇಖನದ ಪಠ್ಯರೂಪಕ್ಕಾಗಿ ಇಜ್ಞಾನ ಡಾಟ್ ಕಾಮ್ ನೋಡಿ.

ಉದಯವಾಣಿ ಅಂಕಣ: "@ ಜನಕ ಟಾಮ್ಲಿನ್‌ಸನ್"

2011-04-19T05:00:00.000+05:30

ಏಪ್ರಿಲ್ ೧೯, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ಇದಕ್ಕೆ ಪತ್ರಿಕೆಯವರು ನೀಡಿರುವ ಶೀರ್ಷಿಕೆ "@ ಜನಕ ಟಾಮ್ಲಿನ್‌ಸನ್" ಅಷ್ಟು ಸಮರ್ಪಕವಲ್ಲ, ಏಕೆಂದರೆ ಟಾಮ್ಲಿನ್‌ಸನ್ ಇಮೇಲ್ ವಿಳಾಸಗಳಲ್ಲಿ @ ಚಿಹ್ನೆಯ ಬಳಕೆಯನ್ನು ಜಾರಿಗೆ ತಂದನೇ ಹೊರತು ಆ ಚಿಹ್ನೆಯನ್ನೇನೂ ಸೃಷ್ಟಿಸಲಿಲ್ಲ. @ ಎಂಬ ಚಿಹ್ನೆ ಅದಕ್ಕೂ ಮೊದಲೇ ಬಳಕೆಯಲ್ಲಿತ್ತು. ಈ ಲೇಖನದ ಪಠ್ಯರೂಪ ಇ-ಜ್ಞಾನದಲ್ಲಿದೆ.

ಉದಯವಾಣಿ ಅಂಕಣ: "S ಫಾರ್ ಸೆಕ್ಯೂರ್"

2011-04-12T10:00:00.000+05:30

ಏಪ್ರಿಲ್ ೧೨, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ; 'ವಿಜ್ಞಾಪನೆ' ಅಂಕಣದ ೨೫ನೆಯ ಕಂತು. ಈ ಲೇಖನದ ಪಠ್ಯರೂಪ ಇ-ಜ್ಞಾನದಲ್ಲಿದೆ.

ಸಿದ್ಧವಾಗಿದೆ ಇ-ಜ್ಞಾನ ಡಾಟ್ ಕಾಮ್!

2011-04-06T00:06:00.001+05:30

ಇ-ಜ್ಞಾನ ಡಾಟ್ ಕಾಮ್‌ಗೆ ಭೇಟಿನೀಡಲು ಇಲ್ಲಿ ಕ್ಲಿಕ್ ಮಾಡಿ

ಉದಯವಾಣಿ ಅಂಕಣ: "ಟ್ವೀಟರ್ ಚಿಲಿಪಿಲಿಗೆ ಹ್ಯಾಪಿ ಬರ್ತ್‌ಡೇ"

2011-03-29T23:28:00.000+05:30

ಮಾರ್ಚ್ ೨೯, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ಮುದ್ರಣದೋಷಗಳಿಲ್ಲದ, ಕತ್ತರಿಪ್ರಯೋಗ ಆಗಿಲ್ಲದ ಈ ಲೇಖನದ ಮೂಲರೂಪಕ್ಕಾಗಿ ಇ-ಜ್ಞಾನಕ್ಕೆ ಭೇಟಿಕೊಡಿ. ಅಂದಹಾಗೆ ಇ-ಜ್ಞಾನ ಹೊಸರೂಪ ಪಡೆದುಕೊಳ್ಳುತ್ತಿದೆ, ಗಮನಿಸಿದ್ದೀರಾ? ಆ ಕುರಿತ ನಿಮ್ಮ ಸಲಹೆ, ಪ್ರತಿಕ್ರಿಯೆಗಳಿಗೆ ಸ್ವಾಗತ!

ಉದಯವಾಣಿ ಅಂಕಣ: "ಜಪಾನ್‌ಗಾಗಿ ಮಿಡಿದ ಜಾಲಲೋಕದ ಹೃದಯ"

2011-03-23T08:00:00.006+05:30

ಮಾರ್ಚ್ ೨೨, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ಈ ಲೇಖನದ ಪಠ್ಯರೂಪಕ್ಕಾಗಿ ಇ-ಜ್ಞಾನ ನೋಡಿ.

ಮೊದಲ ಸಾಲಿನಲ್ಲಿ ಮುದ್ರಿತವಾಗಿರುವ 'ಕಿರಣ ಸೋರಿಕೆ'ಯನ್ನು ವಿಕಿರಣ ಸೋರಿಕೆ ಎಂದು ಓದಿಕೊಳ್ಳಿ. ಹಾಗೆಯೇ ಅಂತರ್ಜಾಲವಲ್ಲ, ಅದು ಅಂತರಜಾಲ.

ಯುಗಾದಿಗೆ ಬರಲಿದೆ ಹೊಸ 'ಕಣಜ'

2011-03-19T16:32:00.001+05:30

ಬಂತು ಬಂತು ಖಾದಿ ಸ್ಟಾಂಪು

2011-03-17T08:00:00.000+05:30

ವಿಶ್ವದ ಅನೇಕ ರಾಷ್ಟ್ರಗಳಲ್ಲಿ ಅಂಚೆಚೀಟಿ ಸಂಗ್ರಾಹಕರಿಗೆಂದೇ ಅಪರೂಪದ ಅಂಚೆಚೀಟಿಗಳನ್ನು ಆಗಿಂದಾಗ್ಗೆ ಹೊರತರಲಾಗುತ್ತದೆ. ವಿಭಿನ್ನ ಚಿತ್ರಗಳು, ಬೇರೆಬೇರೆ ಮಾಧ್ಯಮಗಳು, ವಿಶೇಷ ಲಕ್ಷಣಗಳನ್ನು ಹೊಂದಿರುವ ಈ ಅಂಚೆಚೀಟಿಗಳಲ್ಲಿ ಅಪಾರ ವೈವಿಧ್ಯವಿರುತ್ತದೆ. ಭಾರತ ಹೊರತಂದ ಗುಲಾಬಿ-ಮಲ್ಲಿಗೆ-ಶ್ರೀಗಂಧಗಳ ಸುವಾಸನೆಯುಳ್ಳ ಅಂಚೆಚೀಟಿಗಳು ಹಾಗೂ ಭೂತಾನ್ ದೇಶ ಹೊರಡಿಸಿದ ಸಿ.ಡಿ. ಅಂಚೆಚೀಟಿ - ಇವು ಇತ್ತೀಚಿನ ವರ್ಷಗಳಲ್ಲಿ ಸಾಕಷ್ಟು ಹೆಸರುಮಾಡಿದ್ದವು.

ಇದೀಗ ಇಂತಹ ಅಂಚೆಚೀಟಿಗಳ ಸಾಲಿಗೆ ಭಾರತದ ಖಾದಿ ಸ್ಟಾಂಪು ಕೂಡ ಸೇರಿಕೊಂಡಿದೆ. ಇತ್ತೀಚೆಗಷ್ಟೆ ನನ್ನ ಸಂಗ್ರಹ ಸೇರಿದ ಈ ಅಂಚೆಚೀಟಿಯ ಬಗೆಗೆ ನಾನು ಬರೆದ ಪುಟ್ಟದೊಂದು ಬರೆಹ ಮಾರ್ಚ್ ೨೪, ೨೦೧೧ರ ಸುಧಾದಲ್ಲಿ ಪ್ರಕಟವಾಗಿದೆ.

ಉದಯವಾಣಿ ಅಂಕಣ: "ಕುಕಿ ಕರಾಮತ್ತು"

2011-03-15T09:00:00.000+05:30

ಮಾರ್ಚ್ ೧೫, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ಈ ಲೇಖನದ ಪಠ್ಯರೂಪಕ್ಕಾಗಿ ಇ-ಜ್ಞಾನ ನೋಡಿ.

ಶ್ರೀನಿಧಿಯ ಪ್ರಪಂಚಕ್ಕೆ ಐದು

2011-03-11T00:01:00.006+05:30

ಅಂತರಜಾಲದ ಲೋಕದಲ್ಲಿ ನನ್ನದೂ ಒಂದು ತಾಣ ಇರಬೇಕು ಎನ್ನುವುದು ನನ್ನ ಬಹುದಿನಗಳ ಆಸೆ. ಫ್ರೀಸರ್ವರ್ಸ್‌ನಲ್ಲಿ, ಟ್ರೈಪಾಡ್‌ನಲ್ಲಿ - ಹೀಗೆ ಹತ್ತಾರು ಕಡೆ ವೆಬ್ ಪುಟಗಳನ್ನು ರೂಪಿಸುವ ಹುಚ್ಚು ಕಾಲೇಜು ದಿನಗಳಿಂದಲೂ ಇತ್ತು. ಮೊದಮೊದಲು ಬ್ಲಾಗಿಂಗ್‌ನ ಗಾಳಿ ಬೀಸಿದಾಗ ೨೦೦೫ರಲ್ಲೇ ಒಂದು ಬ್ಲಾಗನ್ನೂ ಶುರುಮಾಡಿದ್ದೆ; ಆದರೆ ಅದು ಜಾಸ್ತಿ ದಿನ ಬದುಕಿರಲಿಲ್ಲ ಅಷ್ಟೆ!

ನಂತರ, ೨೦೦೬ನೇ ಇಸವಿಯಲ್ಲಿ ಮನೆಗೆ ಬ್ರಾಡ್‌ಬ್ಯಾಂಡ್ ಸೌಲಭ್ಯ ಬಂದ ಮೇಲೆ, ನನ್ನ ಲೇಖನಗಳನ್ನೆಲ್ಲ ಅಂತರಜಾಲದಲ್ಲಿ ಒಂದು ಕಡೆ ಸಂಗ್ರಹಿಸಿಡಬೇಕು ಎನ್ನುವ ಸರಳ ಉದ್ದೇಶದೊಡನೆ ಪ್ರಾರಂಭವಾದದ್ದು ಶ್ರೀನಿಧಿಯ ಪ್ರಪಂಚ. ಮುಂದಿನ ದಿನಗಳಲ್ಲಿ ಲೇಖನಗಳಷ್ಟೇ ಅಲ್ಲದೆ ನಾನು ತೆಗೆದ ಛಾಯಾಚಿತ್ರಗಳನ್ನು, ಅನಿಸಿಕೆ-ಅನುಭವಗಳನ್ನು ಹಂಚಿಕೊಳ್ಳಲೂ ಇದೊಂದು ವೇದಿಕೆಯಾಯಿತು.

ಇವತ್ತಿಗೆ ಈ ಬ್ಲಾಗು ಬ್ಲಾಗಮಂಡಲಕ್ಕೆ ಕಾಲಿಟ್ಟು ಐದು ವರ್ಷ. ಈ ಐದು ವರ್ಷಗಳಲ್ಲಿ ಬ್ಲಾಗ್ ಲೋಕ ನನ್ನ ಪ್ರಪಂಚವನ್ನು ಗಣನೀಯವಾಗಿ ವಿಸ್ತರಿಸಿದೆ, ಅನೇಕರ ಗೆಳೆತನ ಸಂಪಾದಿಸಿಕೊಟ್ಟಿದೆ. ಎರಡು ವರ್ಷಕ್ಕಿಂತ ಕಡಿಮೆ ಸಮಯದಲ್ಲಿ ಶ್ರೀನಿಧಿಯ ಪ್ರಪಂಚದಲ್ಲಿ ಆರು ಸಾವಿರಕ್ಕೂ ಹೆಚ್ಚು ವಿಸಿಟ್ಟುಗಳು, ಹೆಚ್ಚೂಕಡಿಮೆ ಹನ್ನೆರಡು ಸಾವಿರ ಪೇಜ್-ವ್ಯೂಗಳು ದಾಖಲಾಗಿವೆ.

ಶ್ರೀನಿಧಿಯ ಪ್ರಪಂಚವನ್ನು ಮೆಚ್ಚಿಕೊಂಡಿರುವ, ಬೆನ್ನುತಟ್ಟಿ ಬೆಳೆಸಿರುವ ನಿಮ್ಮೆಲ್ಲರಿಗೂ ಹೃತ್ಪೂರ್ವಕ ಕೃತಜ್ಞತೆಗಳು.

ಉದಯವಾಣಿ ಅಂಕಣ: "ಕಾಪಿ ಪೇಸ್ಟ್ ಕತೆ"

2011-03-08T14:08:00.001+05:30

ಮಾರ್ಚ್ ೮, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ಈ ಲೇಖನದ ಪಠ್ಯರೂಪಕ್ಕಾಗಿ ಇ-ಜ್ಞಾನ ನೋಡಿ.

ಉದಯವಾಣಿ ಅಂಕಣ: "ಸೋಷಿಯಲ್ ಶಾಪಿಂಗ್ ಕುರಿತು.."

2011-03-01T06:00:00.000+05:30

ಮಾರ್ಚ್ ೧, ೨೦೧೧ರಂದು ಪ್ರಕಟವಾದ ಈ ಲೇಖನದೊಡನೆ ಉದಯವಾಣಿಯ ನನ್ನ ಅಂಕಣ 'ವಿಜ್ಞಾಪನೆ' ಇಪ್ಪತ್ತು ವಾರ ಪೂರೈಸಿದೆ. ಇದೇ ಲೇಖನದ ಪಠ್ಯರೂಪ ಇ-ಜ್ಞಾನದಲ್ಲಿದೆ.

ಉದಯವಾಣಿ ಅಂಕಣ: "ಬಿಟ್‌ನಿಂದ ಎಕ್ಸಾಬೈಟ್‌ವರೆಗೆ"

2011-02-22T13:33:00.001+05:30

ಫೆಬ್ರುವರಿ ೨೨, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ಈ ಲೇಖನದ ಪಠ್ಯರೂಪಕ್ಕಾಗಿ ಇ-ಜ್ಞಾನ ನೋಡಿ.

ಮತ್ತೆ ನೆನಪಾದ ಚನ್ನರಾಯನದುರ್ಗ

2011-02-21T17:26:00.002+05:30

೨೦೦೯ರಲ್ಲಿ ತುಮಕೂರು ಜಿಲ್ಲೆಯ ಚನ್ನರಾಯನ ದುರ್ಗಕ್ಕೆ ಚಾರಣ ಹೋಗಿ ಬಂದ ಮೇಲೆ ಬರೆದ ಲೇಖನ ಇದು. ಚನ್ನರಾಯನ ದುರ್ಗದಂತೆಯೇ ಮರೆತುಹೋಗಿದ್ದ ಈ ಲೇಖನ ಇವತ್ತು ಮಾರುಕಟ್ಟೆಗೆ ಬಂದ ಸುಧಾದಲ್ಲಿ ಪ್ರಕಟವಾಗಿ ಮತ್ತೆ ಚನ್ನರಾಯನ ದುರ್ಗದ ನೆನಪು ತರಿಸಿದೆ.

ಉದಯವಾಣಿ ಅಂಕಣ: "ಗಣಕಲೋಕಕ್ಕೆ ಪವರ್‌ಕಟ್ ಭೀತಿ"

2011-02-15T13:08:00.001+05:30

ಫೆಬ್ರುವರಿ ೧೫, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ಈ ಲೇಖನದ ಪಠ್ಯರೂಪಕ್ಕಾಗಿ ಇ-ಜ್ಞಾನ ನೋಡಿ.

ಮಾತಾಡುವ ಚಿತ್ರಗಳು - ೧೬: ಏರೋ ಇಂಡಿಯಾ ೨೦೧೧

2011-02-14T09:00:00.004+05:30

ಉದಯವಾಣಿ ಅಂಕಣ: "ಪುಟ್ಟ ವಿಳಾಸದ ದೊಡ್ಡ ವಿಲಾಸ"

2011-02-09T12:53:00.000+05:30

ಫೆಬ್ರುವರಿ ೮, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ಈ ಲೇಖನದ ಪಠ್ಯರೂಪಕ್ಕಾಗಿ ಇ-ಜ್ಞಾನ ನೋಡಿ.

ಉದಯವಾಣಿ ಅಂಕಣ: "ಕಂಟ್ರೋಲ್ ಆಲ್ಟ್ ಡಿಲೀಟ್!"

2011-02-01T10:23:00.001+05:30

ಫೆಬ್ರುವರಿ ೧, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ಈ ಲೇಖನದ ಪಠ್ಯರೂಪಕ್ಕಾಗಿ ಇ-ಜ್ಞಾನ ನೋಡಿ.

ಉದಯವಾಣಿ ಅಂಕಣ: "ಅಂತರಜಾಲಕ್ಕೂ ಬೆನ್ನೆಲುಬು!"

2011-01-25T07:00:00.005+05:30

ಜನವರಿ ೨೫, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ಈ ಲೇಖನದ ಪಠ್ಯರೂಪಕ್ಕಾಗಿ ಇ-ಜ್ಞಾನ ನೋಡಿ.

ಮಾತಾಡುವ ಚಿತ್ರಗಳು - ೧೫: ಹಾಗೇ ಸುಮ್ನೆ!

2011-01-22T13:06:00.000+05:30

ವಿಜ್ಞಾನ ಸಾಹಿತ್ಯ ೨೦೦೭

2011-01-20T23:33:00.002+05:30

ಕರ್ನಾಟಕ ಸಾಹಿತ್ಯ ಅಕಾಡೆಮಿಯ ವಿಜ್ಞಾನ ಸಾಹಿತ್ಯ ೨೦೦೭ ಸಂಕಲನ ಇದೀಗತಾನೆ ನನ್ನ ಕೈಗೆ ಬಂದಿದೆ. ಈ ಸಂಕಲನದಲ್ಲಿ ನನ್ನದೂ ಒಂದು ಲೇಖನ ಸೇರಿದೆ!

ವಿಜ್ಞಾನ ಗಂಗೆಯ ಬಿಂದುಸಾರ ನಂತರ ಅಂತಹುದೇ ಇನ್ನೊಂದು ಸಂಕಲನದಲ್ಲಿ ನನ್ನ ಲೇಖನ ಸೇರಿರುವುದು ನನ್ನ ಮಟ್ಟಿಗಂತೂ ಖುಷಿಯ ವಿಷಯ. ಈ ಖುಷಿಗೆ ಕಾರಣರಾಗಿರುವ ವಿಜ್ಞಾನ ಸಾಹಿತ್ಯ ೨೦೦೭ ಕೃತಿಯ ಸಂಪಾದಕರಾದ ಡಾ. ಬಿ ಎಸ್ ಶೈಲಜಾ ಅವರಿಗೆ, ಹಾಗೂ ಪ್ರಕಾಶಕರಾದ ಕರ್ನಾಟಕ ಸಾಹಿತ್ಯ ಅಕಾಡೆಮಿಗೆ ನನ್ನ ಹೃತ್ಪೂರ್ವಕ ಕೃತಜ್ಞತೆಗಳು.

ಈ ಕೃತಿಯಲ್ಲಿ ಸೇರಿರುವ ನನ್ನ ಲೇಖನ ಓದಲು ಇಲ್ಲಿ ಕ್ಲಿಕ್ ಮಾಡಿ.

ವಿಜ್ಞಾನ ಸಾಹಿತ್ಯ ೨೦೦೭, ೨೪೦ ಪುಟಗಳು, ಬೆಲೆ ಎಂಬತ್ತು ರೂಪಾಯಿ
ಪ್ರಕಾಶಕರು: ಕರ್ನಾಟಕ ಸಾಹಿತ್ಯ ಅಕಾಡೆಮಿ, ಕನ್ನಡ ಭವನ, ಜೆ ಸಿ ರಸ್ತೆ, ಬೆಂಗಳೂರು - ೫೬೦೦೦೨

ಉದಯವಾಣಿ ಅಂಕಣ: "ಜಾಲಲೋಕದಲ್ಲಿ ಮೋಸದ ಗಾಳ"

2011-01-18T12:39:00.001+05:30

ಜನವರಿ ೧೮, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ಈ ಲೇಖನದ ಪಠ್ಯರೂಪಕ್ಕಾಗಿ ಇ-ಜ್ಞಾನ ನೋಡಿ.

ಇನ್ನೆರಡು ಚಿಣ್ಣರ ಚೇತನ

2011-01-14T16:30:00.000+05:30

ಉದಯವಾಣಿ ಅಂಕಣ: "ಬೆಳೆಯುತ್ತಿದೆ ಬ್ರೌಸರ್ ಲೋಕ"

2011-01-11T12:25:00.001+05:30

ಜನವರಿ ೧೧, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ಈ ಲೇಖನದ ಪಠ್ಯರೂಪಕ್ಕಾಗಿ ಇ-ಜ್ಞಾನ ನೋಡಿ.

ಉದಯವಾಣಿ ಅಂಕಣ: "ಆಕಾಶದಿಂದ ಅಂತರಜಾಲ"

2011-01-04T10:13:00.004+05:30

ಜನವರಿ ೪, ೨೦೧೧ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ಈ ಲೇಖನದ ಪಠ್ಯರೂಪಕ್ಕಾಗಿ ಇ-ಜ್ಞಾನ ನೋಡಿ.

ಈ ಲೇಖನದಲ್ಲಿ ನಾನು ಬಳಸಿದ್ದ 'ಅಂತರಜಾಲ' ಪ್ರಯೋಗವನ್ನು ಸಂಪಾದಕರು 'ಅಂತರ್ಜಾಲ' ಎಂದು ಬದಲಿಸಿದ್ದಾರೆ. ಅಂತರಜಾಲ ವರ್ಸಸ್ ಅಂತರ್ಜಾಲ ಕುರಿತು ಹಿಂದೊಮ್ಮೆ ನಾನು ಬ್ಲಾಗಿಸಿದ್ದ ಬರೆಹ ಇಲ್ಲಿದೆ.

ಉದಯವಾಣಿ ಅಂಕಣ: "ಜಾಲಲೋಕದ ಬೀದಿಜಗಳ"

2010-12-28T15:46:00.001+05:30

ಡಿಸೆಂಬರ್ ೨೮, ೨೦೧೦ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ಈ ಲೇಖನದ ಪಠ್ಯರೂಪಕ್ಕಾಗಿ ಇ-ಜ್ಞಾನ ನೋಡಿ.

ಉದಯವಾಣಿ ಅಂಕಣ: "ಗ್ರಿಡ್ ಕಂಪ್ಯೂಟಿಂಗ್ ಮಾಯೆ"

2010-12-21T12:49:00.002+05:30

ಡಿಸೆಂಬರ್ ೨೧, ೨೦೧೦ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ಈ ಲೇಖನದ ಪಠ್ಯರೂಪಕ್ಕಾಗಿ ಇ-ಜ್ಞಾನ ನೋಡಿ.

ಉದಯವಾಣಿ ಅಂಕಣ: "ಸ್ಪಾಮ್ ಎಂಬ ಚೋರ"

2010-12-14T08:56:00.001+05:30

ಡಿಸೆಂಬರ್ ೧೪, ೨೦೧೦ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ಈ ಲೇಖನದ ಪಠ್ಯರೂಪಕ್ಕಾಗಿ ಇ-ಜ್ಞಾನ ನೋಡಿ.

ಉದಯವಾಣಿ ಅಂಕಣ: "ಮೌಸ್ ಪುರಾಣ"

2010-12-07T11:52:00.001+05:30

ಡಿಸೆಂಬರ್ ೭, ೨೦೧೦ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ಈ ಲೇಖನದ ಪಠ್ಯರೂಪಕ್ಕಾಗಿ ಇ-ಜ್ಞಾನ ನೋಡಿ.

ಉದಯವಾಣಿ ಅಂಕಣ: "ಹುಡುಕಾಟಕ್ಕೆ ಎರಡು ದಶಕ"

2010-11-30T08:57:00.002+05:30

ನವೆಂಬರ್ ೩೦, ೨೦೧೦ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ಈ ಲೇಖನದ ಪಠ್ಯರೂಪಕ್ಕಾಗಿ ಇ-ಜ್ಞಾನ ನೋಡಿ.

ಇತಿಹಾಸ ಪುಟಗಳನ್ನು ತೆರೆದುನೋಡಲು ನಿಮ್ಮ ನೆರವು ಬೇಕು!

2010-11-28T22:25:00.001+05:30

ಮೈಸೂರು ಸಂಸ್ಥಾನದ ಹೆಸರಾಂತ ಅರಸರಲ್ಲೊಬ್ಬರಾದ ಶ್ರೀ ಮುಮ್ಮಡಿ ಕೃಷ್ಣರಾಜ ಒಡೆಯರ ಕಾಲಕ್ಕೆ ಸಂಬಂಧಿಸಿದ ಐತಿಹಾಸಿಕ ಕಾದಂಬರಿ 'ಶ್ರೀಕೃಷ್ಣ ಭೂಪಾಲ'. ಮಾ. ನಾ. ಚೌಡಪ್ಪ ಎಂಬ ಮಹನೀಯರು ಬರೆದ ಈ ಕೃತಿ ೧೯೫೮ರಲ್ಲಿ ಪ್ರಕಟವಾಗಿತ್ತು. ಈ ಕಾದಂಬರಿಯಲ್ಲಿ ಕರೂರು ಶ್ರೀನಿವಾಸಾಚಾರ್ಯರೆಂಬ ವಿದ್ವಾಂಸರ ಪ್ರಸ್ತಾಪ ಬರುತ್ತದೆ.

ಖಾಸಾ ಚಾಮರಾಜ ಒಡೆಯರ ನಿಧನಾನಂತರ ಯದುವಂಶದ ರಕ್ಷಣೆಯ ಜವಾಬ್ದಾರಿ ವಹಿಸಿಕೊಂಡು ಮುಮ್ಮಡಿ ಕೃಷ್ಣರಾಜ ಒಡೆಯರಿಗೆ ಅಧಿಕಾರ ಮರಳಿಸಿಗಲು ಪ್ರಮುಖ ಕಾರಣರಾಗಿದ್ದವರು ರಾಜಮಾತೆ ವಾಣೀವಿಲಾಸ ಸನ್ನಿಧಾನ. ರಾಜಮಾತೆಯವರ ಪ್ರಯತ್ನದಲ್ಲಿ ಜೊತೆಯಾಗಿದ್ದು ಪ್ರಧಾನಿಯಾಗಿ ಅವರ ಬೆಂಬಲಕ್ಕೆ ನಿಂತವರು ತಿರುಮಲರಾಯರು. ಕರೂರಿನ ಆಡಳಿತ ತಿರುಮಲರಾಯರ ಮೇಲ್ವಿಚಾರಣೆಯಲ್ಲಿದ್ದಾಗ ಶ್ರೀನಿವಾಸಾಚಾರ್ಯರು ಅವರ ಮನೆಯಲ್ಲಿ ದೇವತಾರ್ಚನೆ ಮಾಡುತ್ತಿದ್ದರಂತೆ. ನಂತರದ ದಿನಗಳಲ್ಲಿ ಶ್ರೀರಂಗಪಟ್ಟಣಕ್ಕೆ ಬಂದ ಶ್ರೀನಿವಾಸಾಚಾರ್ಯರು ಟಿಪ್ಪುವಿನ ಸಮೀಪದಲ್ಲಿದ್ದುಕೊಂಡೇ ಮೈಸೂರು ರಾಜಮನೆತನದ ಹಿತರಕ್ಷಣೆಗಾಗಿ ಶ್ರಮಿಸಿದರು ಎಂದು 'ಶ್ರೀಕೃಷ್ಣ ಭೂಪಾಲ' ಕಾದಂಬರಿ ಹೇಳುತ್ತದೆ.

ನಂತರದ ದಿನಗಳಲ್ಲಿ ಮೈಸೂರು ಶ್ರೀ ಮುಮ್ಮಡಿ ಕೃಷ್ಣರಾಜ ಒಡೆಯರ ಆಳ್ವಿಕೆಗೆ ಒಳಪಟ್ಟಮೇಲೆ ಕರೂರು ಶ್ರೀನಿವಾಸಾಚಾರ್ಯರು ಅರಸರ ಆಸ್ಥಾನದಲ್ಲಿ ವಿದ್ವಾಂಸರಾಗಿದ್ದರು. ರಘುನಾಥಾಚಾರ್ಯರೆಂಬುವವರು ಇವರ ತಮ್ಮನ ಮಗ. ರಘುನಾಥಾಚಾರ್ಯರ ಪುತ್ರ ಚಿಕ್ಕ ಕರೂರು ಶ್ರೀನಿವಾಸಾಚಾರ್ಯ ಅಥವಾ 'ಸುಂದರ ಸುದರ್ಶನಾಚಾರ್ಯ'ರು ಕೂಡ ಮೈಸೂರು ಅರಸರ ಸೇವೆಯಲ್ಲಿದ್ದವರೇ.

ರಘುನಾಥಾಚಾರ್ಯರ ಇನ್ನೊಬ್ಬ ಮಗ ತಿರುಮಲಾಚಾರ್ಯರ ಪುತ್ರರೇ ಶ್ರೀನಿವಾಸರಂಗಾಚಾರ್ಯರು. ಮೈಸೂರು ಟ್ರೇನಿಂಗ್ ಕಾಲೇಜಿನಲ್ಲಿ ಕನ್ನಡ ಪಂಡಿತರಾಗಿದ್ದ ಶ್ರೀನಿವಾಸರಂಗಾಚಾರ್ಯರು 'ಮೈಸೂರ ಮೈಸಿರಿ', 'ಕರ್ಣಾಟಕ ಮೂಲಾದರ್ಶ ಅಥವಾ ಕನ್ನಡದ ಕನ್ನಡಿ' ಮುಂತಾದ ಚರಿತ್ರಾರ್ಹ ಕೃತಿಗಳನ್ನು ರಚಿಸಿದ್ದರು. ಒಡೆಯರ ಕಾಲದ ಮೈಸೂರಿನ ಚಿತ್ರಣವನ್ನು 'ಮೈಸೂರ ಮೈಸಿರಿ' ಕಟ್ಟಿಕೊಡುತ್ತದೆ. ಇನ್ನು ಕರ್ಣಾಟಕ ಮೂಲಾದರ್ಶ, ಕನ್ನಡವು ಸಂಸ್ಕೃತಜನ್ಯ ಭಾಷೆ ಎಂಬ ವಾದವನ್ನು ಮುಂದಿಡುವ ಕೃತಿ.

ಶ್ರೀನಿವಾಸರಂಗಾಚಾರ್ಯರ ಪುತ್ರರೇ ಪಂಡಿತ ತಿರು ಶ್ರೀನಿವಾಸಾಚಾರ್ಯರು. ಹೊಸಗನ್ನಡ ವ್ಯಾಕರಣದ ಆದ್ಯ ಗ್ರಂಥಕರ್ತರಲ್ಲೊಬ್ಬರಾಗಿದ್ದ ತಿರುಶ್ರೀಯವರು ಪ್ರೌಢಶಾಲಾ ಕನ್ನಡ ವ್ಯಾಕರಣ, ಸಂಸ್ಕೃತಿ ಪ್ರದೀಪ ಮುಂತಾದ ಕೃತಿಗಳನ್ನು ರಚಿಸಿದ್ದರು. ಮಧುಗಿರಿ, ಹಾಸನ, ಆಯನೂರು, ಮೈಸೂರು ಮುಂತಾದೆಡೆಗಳಲ್ಲಿ ಪ್ರೌಢಶಾಲಾ ಕನ್ನಡ ಪಂಡಿತರಾಗಿ ಕೆಲಸಮಾಡಿದ್ದ ತಿರು ಶ್ರೀನಿವಾಸಾಚಾರ್ಯರು ವಿದ್ಯಾರ್ಥಿಗಳ ಅಚ್ಚುಮೆಚ್ಚಿನ ಮೇಷ್ಟರಾಗಿದ್ದರು. ೧೯೫೬ರಿಂದ ೫೯ರ ನಡುವೆ ಹಾಸನದ ಸರ್ಕಾರಿ ಬಾಲಕರ ಪ್ರೌಢಶಾಲೆಯಲ್ಲಿ ಅವರ ವಿದ್ಯಾರ್ಥಿಯಾಗಿದ್ದ ಮೈ. ಶ್ರೀ. ನಟರಾಜರು ತಿರುಶ್ರೀಯವರ ವ್ಯಾಕರಣ ಪಾಠ ಕೇಳಲು ವಿಶೇಷ ತರಗತಿಗಳಿಗೆ ಹೋಗುತ್ತಿದ್ದದ್ದು ಹಾಗೂ ಚರ್ಚಾಸ್ಪರ್ಧೆಗಳಲ್ಲಿ ಭಾಗವಹಿಸಲು ಅವರೊಡನೆ ಬೇರೆ ಬೇರೆ ಊರುಗಳಿಗೆ ಹೋಗುತ್ತಿದ್ದದ್ದನ್ನು ಆಪ್ತವಾಗಿ ನೆನಪಿಸಿಕೊಳ್ಳುತ್ತಾರೆ. ಚರ್ಚಾಸ್ಪರ್ಧೆಗಳಿಗೆ ತಯಾರಿ ಮಾಡುವಾಗ ಹಾಗೂ ಆ ಸಂಬಂಧದಲ್ಲಿ ಪ್ರಯಾಣಮಾಡುವಾಗ ಅವರು ಶ್ರೀನಿವಾಸಾಚಾರ್ಯರೊಡನೆ ಸಾಕಷ್ಟು ರಸಘಳಿಗೆಗಳನ್ನು ಕಳೆದಿದ್ದರಂತೆ.

ಪಂಡಿತ ತಿರು ಶ್ರೀನಿವಾಸಾಚಾರ್ಯರು ಹಾಗೂ ಅವರ ಹಿರಿಯರ ಬಗ್ಗೆ, ಅವರ ಕೃತಿಗಳ ಬಗ್ಗೆ ಯಾವುದಾದರೂ ಮಾಹಿತಿ, ಅವರ ಒಡನಾಟದ ನೆನಪು ಅಥವಾ ಅವರ ಯಾವುದೇ ಕೃತಿಯ ಪ್ರತಿ ನಿಮ್ಮಲ್ಲಿದ್ದರೆ ದಯಮಾಡಿ ನಮ್ಮೊಡನೆ ಹಂಚಿಕೊಳ್ಳಬೇಕೆಂಬುದು ಅವರ ಕುಟುಂಬದವರೆಲ್ಲರ ಕೋರಿಕೆ.

ಉದಯವಾಣಿ ಅಂಕಣ: "ಕುತಂತ್ರ ತಡೆಗೆ ಕ್ಯಾಪ್ಚಾ ಬಳಕೆ"

2010-11-23T08:19:00.002+05:30

ನವೆಂಬರ್ ೨೩, ೨೦೧೦ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ಈ ಲೇಖನದ ಪಠ್ಯರೂಪಕ್ಕಾಗಿ ಇ-ಜ್ಞಾನ ನೋಡಿ.

ಉದಯವಾಣಿ ಅಂಕಣ: "ಟ್ಯಾಬ್ಲೆಟ್ ಕದನ"

2010-11-16T08:32:00.002+05:30

ನವೆಂಬರ್ ೧೬, ೨೦೧೦ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ. ಈ ಲೇಖನದ ಪಠ್ಯರೂಪಕ್ಕಾಗಿ ಇ-ಜ್ಞಾನ ನೋಡಿ.

ಮಾತಾಡುವ ಚಿತ್ರಗಳು - ೧೪: ಬನವಾಸಿ ದೇಶದಲ್ಲಿ ಒಂದು ದಿನ

2010-11-15T09:09:00.000+05:30

ಮಾತಾಡುವ ಚಿತ್ರಗಳ ಈ ಕಂತಿನ ಜೊತೆಗೆ ಪುಟ್ಟದೊಂದು ಪ್ರವಾಸ ಕಥನವೂ ಇದೆ!

ಸಂಸ್ಕೃತಿ ಸಂಪನ್ನ ಮನುಷ್ಯನಾಗಿ ಹುಟ್ಟಿದರೆ ಬನವಾಸಿ ದೇಶದಲ್ಲೇ ಹುಟ್ಟಬೇಕು; ಒಂದು ವೇಳೆ ಆಗದಿದ್ದರೆ ಅಲ್ಲಿ ಕೊನೆಯ ಪಕ್ಷ ಕೋಗಿಲೆಯಾಗಿಯಾದರೂ ಮರಿ ದುಂಬಿಯಾಗಿಯಾದರೂ ಹುಟ್ಟಬೇಕು ಎಂದಿದ್ದ ಪಂಪ ಮಹಾಕವಿ.

ಆತ ಹೀಗೆ ಹೇಳುವಂತೆ ಮಾಡಿದ ಬನವಾಸಿಯನ್ನು ಒಮ್ಮೆಯಾದರೂ ನೋಡಲೇಬೇಕು ಅಂದುಕೊಂಡು ಬಹಳ ವರ್ಷಗಳೇ ಆಗಿದ್ದರೂ ಅಲ್ಲಿಗೆ ಹೋಗಿಬರಲು ಅದೇಕೋ ಕಾಲವೇ ಕೂಡಿಬಂದಿರಲಿಲ್ಲ.

ಅಂತೂ ಇಂತೂ ಕಳೆದ ವಾರಾಂತ್ಯದಲ್ಲಿ ಬನವಾಸಿಗೆ ಹೋಗಿಬರೋಣ ಎಂದು ಹೊರಟಿದ್ದಾಯಿತು. ಅಲ್ಲಿನ ವಿಶ್ವೋದಯ ಗ್ರಾಮೀಣ ಪ್ರವಾಸೋದ್ಯಮ ಅಭಿವೃದ್ಧಿ ಸಂಸ್ಥೆ ನಡೆಸುವ ವನವಾಸಿಕ ಟೂರಿಸ್ಟ್ ಹೋಮ್ ಸಂಪರ್ಕಿಸಿ ರೂಮುಗಳನ್ನೂ ಕಾದಿರಿಸಿಕೊಂಡೆವು. ಅಡ್ವಾನ್ಸ್ ಏನೂ ಬೇಡ ಬಿಡಿ ಎಂದ ಅಲ್ಲಿನ ವ್ಯವಸ್ಥಾಪಕ ಶ್ರೀ ಬ್ರಹ್ಮಕುಮಾರ್, ನಮ್ಮೊಡನೆ ಸಂಪರ್ಕದಲ್ಲಿದ್ದು ಪ್ರವಾಸದ ತಯಾರಿಗೆ ಸಾಕಷ್ಟು ನೆರವು ನೀಡಿದರು.

ಶನಿವಾರ ಬೆಳಗಿನ ಜಾವ ಒಂದು ಗಂಟೆ ವೇಳೆಗೆ ಬೆಂಗಳೂರಿಂದ ಹೊರಟು ಚಿತ್ರದುರ್ಗ-ಹಾವೇರಿ ಮಾರ್ಗವಾಗಿ ಬನವಾಸಿ ತಲುಪಿದಾಗ ಏಳು ಗಂಟೆ. ತಣ್ಣನೆ ವಾತಾವರಣ, ಎಲ್ಲೆಲ್ಲೂ ಹಸಿರು. ಇತ್ತೀಚೆಗಷ್ಟೆ ಸುರಿದ ಧಾರಾಕಾರ ಮಳೆಯಿಂದ ಕೆರೆಗಳೆಲ್ಲ ಭರ್ತಿಯಾಗಿದ್ದವು; ವರದಾ ನದಿಯಲ್ಲೂ ತುಂಬ ನೀರಿತ್ತು.

ಸ್ನಾನ -ತಿಂಡಿ ಮುಗಿಸಿ ನಾವು ಹೋದದ್ದು ಮಧುಕೇಶ್ವರ ದೇವಸ್ಥಾನಕ್ಕೆ. ಕನ್ನಡನಾಡಿನ ಮೊದಲ ರಾಜಧಾನಿಯ ಆರಾಧ್ಯ ದೈವ ಮಧುಕೇಶ್ವರ. ಈ ದೇವಸ್ಥಾನದ ನಿರ್ಮಾಣವಾದದ್ದು ಕದಂಬರ ಕಾಲದಲ್ಲಿ. ಸುಂದರ ಕೆತ್ತನೆಗಳಿರುವ ಈ ದೇವಸ್ಥಾನದಲ್ಲಿ ಅನೇಕ ವಿಶೇಷ ಆಕರ್ಷಣೆಗಳೂ ಇವೆ - ಒಂದು ಕಣ್ಣಿನಿಂದ ಈಶ್ವರನನ್ನು ಇನ್ನೊಂದು ಕಣ್ಣಿನಿಂದ ಪಾರ್ವತಿಯನ್ನು ನೋಡುವ ಬಸವಣ್ಣ, ಕಲ್ಲಿನ ಮಂಚ, ಅರ್ಧ ಗಣೇಶ ಹೀಗೆ.

ಬನವಾಸಿಯ ಸುತ್ತಮುತ್ತ ಪೈನಾಪಲ್ ಬೆಳೆಯುತ್ತಾರೆ. ಅದನ್ನು ಸಂಸ್ಕರಿಸುವ ಕಾರ್ಖಾನೆಗಳೂ ಇವೆ. ಪೈನಾಪಲ್ ಹೇಗೆ ಬೆಳೆಯುತ್ತಾರೆ ಎಂದೇ ಗೊತ್ತಿರದಿದ್ದ ನಮಗೆ ಪೈನಾಪಲ್ ತೋಟ ನೋಡಿದ್ದು ಖುಷಿಕೊಟ್ಟ ಸಂಗತಿ. ಪೈನಾಪಲ್ ಹೋಳುಗಳು, ಜ್ಯೂಸು ಇತ್ಯಾದಿಗಳನ್ನು ಸಿದ್ಧಪಡಿಸುವ ಕಾರ್ಖಾನೆಗೂ ಹೋಗಿಬಂದೆವು.

ಗುಡ್ನಾಪುರದ ಕೆರೆ ನಮ್ಮ ಮುಂದಿನ ಗುರಿ. ಇಲ್ಲಿ ಸೂರ್ಯಾಸ್ತ ಬಹಳ ಚೆನ್ನಾಗಿ ಕಾಣುತ್ತಂತೆ; ನಮಗೆ ಅದನ್ನು ನೋಡುವ ಅವಕಾಶ ಸಿಗಲಿಲ್ಲ. ಅಲ್ಲೇ ಸಮೀಪದಲ್ಲಿದ್ದ ಐತಿಹಾಸಿಕ ರಾಣಿಮಹಲ್‍ಗೂ ಹೋಗಿದ್ವಿ; ಆದರೆ ಅದರ ಮೇಲ್ವಿಚಾರಕ ಗೇಟಿಗೆ ಬೀಗಹಾಕಿಕೊಂಡು ಬೀಡಿಸೇದಲು ಹೋಗಿದ್ದ ಕಾರಣ ಹೋದ ದಾರಿಗೆ ಸುಂಕವಿಲ್ಲ ಅಂತ ವಾಪಸ್ ಬಂದದ್ದಾಯಿತು.

ಮಧ್ಯಾಹ್ನದ ಊಟ ಇನ್ನೊಂದು ವಿಶೇಷ. ಖಾನಾವಳಿಯ ಆತ್ಮೀಯ ಉಪಚಾರದಲ್ಲಿ ಎಲ್ಲರೂ ಎರಡೆರಡು ರೊಟ್ಟಿ ಜಾಸ್ತಿಯೇ ತಿಂದ್ವಿ!

ಸಂಜೆ ನಮ್ಮ ಪ್ರಯಾಣ ಸಾಗಿದ್ದು ಗುಡವಿ ಪಕ್ಷಿಧಾಮದ ಕಡೆ. ಇಲ್ಲಿನ ನಿರ್ವಹಣೆಗೆ ಅರಣ್ಯ ಇಲಾಖೆ ಸಾಕಷ್ಟು ಮುತುವರ್ಜಿ ವಹಿಸಿದಂತೆ ಕಾಣುತ್ತದೆ. ಬಹುಶಃ ಇದು ವಲಸೆ ಋತುವಿನ ಅಂತ್ಯವಿರಬೇಕು; ಜಾಸ್ತಿ ಹಕ್ಕಿಗಳ ದರ್ಶನವಾಗಲಿಲ್ಲ. ರಾತ್ರಿ ಅಲ್ಲಿಂದ ಬಂದಮೇಲೆ ಬನವಾಸಿ ಮಳೆಯ ಅನುಭವವೂ ಆಯ್ತು.

ಮರುದಿನ ಬೆಳಗ್ಗೆ ನಮ್ಮ ಟೂರಿಸ್ಟ್ ಹೋಮ್ ಸಮೀಪವೇ ಇದ್ದ ಪಂಪವನದತ್ತ ಹೊರಟೆವು. ಮುಂಜಾವಿನ ಮಂಜಿನಲ್ಲಿ ವಾಕಿಂಗು ಸಖತ್ತಾಗಿತ್ತು. ಇತರ ಹಕ್ಕಿಗಳ ಕಲರವದ ನಡುವೆ ಅಲ್ಲೆಲ್ಲಿಂದಲೋ ನವಿಲಿನ ಕೂಗೂ ಕೇಳಿಬಂತು.

ಪಂಪವನದಿಂದ ಮರಳಿ ಯಾಣ-ಸಹಸ್ರಲಿಂಗ ಮಾರ್ಗವಾಗಿ ಬೆಂಗಳೂರಿನತ್ತ ಹೊರಟಾಗ ನನ್ನ ಮನವೂ ಬನವಾಸಿ ದೇಶವನ್ನೇ ನೆನೆಯುತ್ತಿತ್ತು!

ವನವಾಸಿಕ ಟೂರಿಸ್ಟ್ ಹೋಮ್‌ನದ್ದು ಸರಳ ಸುಂದರ ವಿನ್ಯಾಸ. ಸಿಬ್ಬಂದಿ ಸ್ನೇಹಪರರು. ಊಟ ತಿಂಡಿ ಅಲ್ಲಿಗೇ ತರಿಸಿಕೊಡುವ ವ್ಯವಸ್ಥೆ ಇದೆ. ಬನವಾಸಿ ಚಿತ್ರಗಳ ಪೋಸ್ಟ್‌ಕಾರ್ಡುಗಳೂ ಲಭ್ಯ. ಹೆಚ್ಚಿನ ಮಾಹಿತಿಗಾಗಿ ಈ ತಾಣಕ್ಕೆ ಭೇಟಿಕೊಡಿ.

ಉದಯವಾಣಿ ಅಂಕಣ: "ಗಣಕ ಲೋಕದಿಂದ ಮೇಘ ಸಂದೇಶ"

2010-11-09T08:06:00.001+05:30

ನವೆಂಬರ್ ೯, ೨೦೧೦ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ

ಉದಯವಾಣಿ ಅಂಕಣ: "ಬೂಟ್ ಮಾಡಲು ಅರೆಕ್ಷಣ ಸಾಕು"

2010-11-02T10:32:00.000+05:30

ನವೆಂಬರ್ ೨, ೨೦೧೦ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ

ಉದಯವಾಣಿ ಅಂಕಣ: "ವರ್ಮಾಘಾತ!"

2010-10-26T18:00:00.000+05:30

ಅಕ್ಟೋಬರ್ ೨೬, ೨೦೧೦ರ ಉದಯವಾಣಿಯಲ್ಲಿ ಪ್ರಕಟವಾದ ಲೇಖನ